Qazaqstanda jyl saıyn 30 myńnan astam jol-kólik oqıǵasy tirkeledi. Jol qaýipsizdigin qamtamasyz etý tek baqylaýdy kúsheıtýdi ǵana emes, sonymen birge joǵary bilikti mamandardy daıarlaýdy talap etedi. Bul baǵytta jumystar júrgizilýde. Bul týraly Óńirlik komýnıkasıalar qyzmetinde ótken baspasóz konferensıasynda QR İshki ister mınıstrligi İshki ister mınıstrligi Maqan Esbolatov atyndaǵy Almaty akademıasynyń ákimshilik-quqyqtyq pánder kafedrasynyń bastyǵy Tamara Korjýmbaeva málimdedi, dep habarlaıdy aqshamnews.kz
Tamara Korjýmbaeva atap ótkendeı, akademıa jol qozǵalysyn uıymdastyrýǵa jáne onyń qaýipsizdigin arttyrýǵa qatysatyn ákimshilik polısıa men jol-tehnıkalyq ınspeksıasy úshin kadrlardy daıyndaıdy.
«Qazaqstan Prezıdenti Qasym-Jomart Toqaev óz Joldaýynda bul salada shuǵyl áreket etý qajettigin atap ótti. Sonymen qatar, qoǵamdyq qaýipsizdikti qoǵammen áriptestik jasap qamtamasyz etýdiń 2024 – 2028 jyldarǵa arnalǵan tujyrymdamasy aıasynda jol-kólik oqıǵalary saldarynan bolatyn ólim-jitim deńgeıin tómendetý basty mindetterdiń biri bolyp tabylady. Qazaqstan Respýblıkasy İshki ister mınıstrligi jol qaýipsizdigine jaýapty negizgi organdardyń biri retinde jaǵdaıdy jaqsartý boıynsha belsendi jumys júrgizýde», - dedi ol.
Bilim berý qyzmetimen qatar, Akademıa zań shyǵarýǵa belsendi qatysady, joldardy baqylaýdyń ınovasıalyq tehnologıalaryn ázirleıdi jáne azamattardy quqyqtyq tárbıeleý baǵdarlamalaryn júzege asyrady.
«Jol qaýipsizdigi» jobasy aıasynda Akademıa qyzmetkerleri mektep oqýshylary, kolej stýdentterine jáne basqa da oqý oryndarynda sabaq ótkizedi. Balalarda jolda júrý mádenıetin jastaıynan qalyptastyrý maqsatynda birinshi synyp oqýshylaryna erekshe kóńil bólinedi.
Odan bólek, Akademıa jol qozǵalysy qaýipsizdiginiń ózekti máseleleri talqylanyp, praktıkalyq usynystar ázirlenetin iri ǵylymı forýmdardyń, konferensıalardyń jáne dóńgelek ústelderdiń uıymdastyrýshysy bolyp tabylady.
«Akademıa ınovasıalyq tehnologıalardy ázirleýmen jáne engizýmen belsendi túrde aınalysady, patenttik qyzmette joldardy baqylaýdy jaqsartýǵa jáne tótenshe jaǵdaılar qyzmetiniń áreket etý ýaqytyn arttyrýǵa kómektesetin zamanaýı sheshimderdi jasaýǵa baǵyttalǵan», - dep bólisti T. Korjýmbaeva.
Sóz sońynda spıker bilikti kadrlar daıarlaý, zamanaýı tehnologıalardy engizý jáne halyqtyń quqyqtyq saýattylyǵyn arttyrý jol-kólik oqıǵalaryn azaıtyp, joldardy qaýipsiz etýge septigin tıgizetinin atap ótti.