Almatydaǵy Oraz Jandosov atyndaǵy №105 gımnazıaǵa Gınnestiń rekordtar kitabyna engen «Álem beınesi» kartınasynyń kóshirmesi tabystaldy.
Ol – World Painting halyqaralyq áleýmettik art-jobasyna qatysýshylardyń týyndysy. Týyndynyń kóshirmesin usynǵan avtorlar – Daýt Shaıhıslamov pen Dana Ormanbaeva, dep habarlaıdy aqshamnews.kz 24.kz-ke silteme jasap.
Jarty ǵasyr buryn ashylǵan mektepte qazir 2600 oqýshy bar. 1996 jyly gımnazıa IýNESKO-nyń qaýymdastyrylǵan mektebi mártebesin aldy. Bilim oshaǵy oqýshylardy halyqaralyq bilim berý keńistigine ıntegrasıalaýdy maqsat tutady.
Álıa Sandyqbaeva, №105 mektep-gımnazıa dırektory:
- Bul sýret álemdi sharlady. Kartına beıbitshilik, yntamaq pen birlik saqtalsyn dep salynǵan. Qoǵamdy izgilendirý, halyqtar arysyndaǵy mádenı ári rýhanı qarym-qatynasty nyǵaıtý ıdeıasy IýNESKO negizgi damý baǵdarlamasyna jatady. Osy túsinikti oqýshylardyń sanasyna sińirip, tálim-tárbıe berýge tyrysamyz.