Jumys sapary jáne Medeý aýdanynyń turǵyndarymen kezdesý barysynda Almaty ákimi Erbolat Dosaev «Esentaı» ózeniniń jaǵasynda kaskadtar júıesin salý jobasymen tanysty.
Muz kóshkininiń qaıtalanýyn boldyrmaý jáne turǵyndardyń qaýipsizdigin qamtamasyz etý úshin «Esentaı» ózeninde uzyndyǵy 2 km jasandy sarqyrama men kaskadtar qurý josparlanǵan, bul aǵynnyń jyldamdyǵyn tómendetýge jáne kanal qabyrǵalarynda muzdyń tez jınalýynyń aldyn alýǵa kómektesedi.
2022-2023 jyldary «Esentaı» ózeniniń jaǵasynda eki jergilikti muz-sý tasqyny boldy. Saldaryn joıý úshin Jamaqaev kóshesinen ál-Farabı dańǵylyndaǵy sý qabyldaǵyshqa deıin «Esentaı» ózeni arnasy muz shógindilerinen mehanıkalyq tazartyldy. 5 myń m3 qar shyǵaryldy, zaqymdalǵan qorshaýlar qalpyna keltirildi. Sonymen qatar, ózenniń jaǵasy ál-Farabı dańǵylynan bólgishke deıin nyǵaıtyldy.
Sondaı-aq, jobaǵa sáıkes úzdiksiz muz qabatynyń paıda bolýyn boldyrmaý úshin muzǵa qarsy qurylystardy – muzjarǵyshtardy nemese muzjarǵysh plıtalardy ornatý usynylady. Sonymen qatar, ózenniń jyldam aǵatyn ýchaskelerinde jasandy kedir-budyr jasaý josparlanǵan.
Jobany iske asyrý merzimi – osy jyldyń jeltoqsany.
Aýdan turǵyndarymen áńgimelesý barysynda Almaty ákimi Erbolat Dosaev kaskadtar salý boıynsha jobany júzege asyrý ózendegi anjyr júrý máselesin sheshetinin atap ótti. Eń bastysy, turǵyndardyń qaýipsizdigi ekenin atap ótti. Máselen, «Esentaı» ózeninde kaskadtar salý jumystary osy jyldyń mamyr aıynda bastalyp, qysta aıaqtalady.
Anyqtama: Anjyr júrýi (Shýgohod) – aǵynnyń tereńinde - keseksheler túzetin krıstaldar jıyntyǵy qozǵalysy.