Almatydaǵy emhananyń bólim meńgerýshisi: «Koronavırýsqa qarsy zamanaýı vaksınalar qaýipsiz»
Almatyda koronavırýsqa qarsy 200-den astam ekpe pýnkti bar, olardyń bir bóligi qalanyń saýda-oıyn-saýyq ortalyqtarynda ornalasqan. Mobıldi pýnktterde 1 200-den astam medısına qyzmetkeri jumys isteıdi, dep habarlady Almaty-akshamy.kz. Olardyń arasynda Almaty qalasyndaǵy №5 emhananyń pedıatrıa bóliminiń meńgerýshisi Gúlzat Baızaqova da bar. Sáýirden bastap dáriger «Mega park» SOSO ekpe pýnktinde jumys jasaýda. Ekpe pýnkti Almaty turǵyndaryn vaksınalaý boıynsha kóshbasshylar qatarynda.
Gúlzat Baızaqova «Mega park» SOSO-da ekpe pýnkti jumysty 10 sáýirden bastaǵanyn aıtty. Vaksına alýǵa tilek bildirýshi barlyq jandar Egov mobile qosymshasy arqyly aldyn ala jazyla alady. Ekpe saldyrýǵa kelgenderdiń árqaısysy tórt kezeńnen ótedi.
«Aldymen biz naýqasty baza boıynsha tekseremiz, onyń qandaı da bir qarsy kórsetilimderi bar-joǵyn bilý úshin saýalnama toltyrady. Sodan keıin dárigerdiń keńsesinde dene qysymy men temperatýrasyn ólsheıtin, púlsoksımetr kómegimen satýrasıany tekseremiz. Osy ýaqytta ekpe pýnktinde vaksına daıyndalady. Barlyq baqylaý az ýaqytty alady. Osy rásimnen keıin árbir adam arnaıy beıdj alady da, 30 mınýt boıy demalatyn bólmede bolady», - dedi bólim meńgerýshisi.
Gúlzat Baızaqovanyń aıtýynsha, barlyq qala turǵyndary usynylǵan tórt vaksınanyń kez kelgenin tańdaýǵa quqyly. Bul «Spýtnık V», «QazVac», «Hayat-Vax» pen «CoronaVac».
«Biz 150-den 250 adamǵa deıin vaksınalaımyz. Ekpe pýnkti kún saıyn, demalyssyz saǵat 10.00-den 20.00-ge deıin jumys isteıdi. Bizdiń pýnktte vaksınanyń birinshi komponentin shamamen 8 600 adam, ekinshi komponentin 6 400-den astam qala turǵyny aldy», - dep habarlady dáriger.
18 jasqa tolmaǵan adamdardy, júkti men bala emizetin áıelderdi, sondaı-aq densaýlyq jaǵdaıyna baılanysty qarsy kórsetilimderdi qospaǵanda, barlyq tilek bildirýshiler vaksına alýǵa mindetti. Al onkologıalyq naýqastarǵa medısınalyq kómek kórsetiledi.
Sóz sońynda G. Baızaqova koronavırýsqa qarsy qazirgi zamanǵy vaksınalar qaýipsiz ári olardyń qarsy kórsetilimderi joq ekenin aıtty. Sondyqtan qala turǵyndary janama áserler týraly alańdamaýy kerek.
01.02.2021-20.06.2021 aralyǵyndaǵy barlyq kezeńde Almatyda 375 340 adam vaksınalandy.
Ótken táýlikte 2 426 adam ekpe aldy. 60 jastan joǵary ekpe alǵandar sany 45 304 adamdy quraıdy.
Qalada medısınalyq uıymdarda, mektepterde, mádenıet, sport nysandarynda, bazar men qalanyń SOSO-da 211 vaksına pýnktteri jumys isteıdi (250-ge deıin ulǵaıtý múmkindigimen). 1 257 adamnan qurylǵan 304 ekpe brıgadalary jumyldyrylǵan.