Balyqtar botanıkalyq baqtaǵy jasandy ashyq toǵandarda qystaıdy
Ondaǵy aqqýlar haıýanattar baǵyndaǵy jyly pavılonǵa kóshti, dep habarlaıdy Almaty-akshamy.kz «Habar 24» telearnasyna silteme jasap.
Al balyqtar botanıkalyq baqtaǵy jasandy ashyq toǵandarda qystaıdy. Tuqy tektes balyq túrine jatatyn japondyq koı qatty aıazdan qoryqpaıdy, deıdi ıhtıolog mamandar. Sándik maqsatta ósiriletin bul balyqtarǵa asa qatty kútim de qajet emes. Balyqtardyń fızıologıalyq ereksheligine sáıkes, koı da kún sýyp, muz qatqanda uıqyǵa ketedi. Tek qatty aıazda muzdy tesip, ottegi jiberip tursa jetkilikti. Aıta keteıik, koıdyń negizinen aq, sary, qyzyl, qara tústeri keń taraǵan.
«Bul qysta arnaıy qystaýǵa jibergen kezde olarǵa fızıologıalyq negizdemesi bar. Olar janýarlar haıýanattar bar ǵoı, aıýlar sıaqty uıqyǵa ketip qalady ǵoı qysta, sol kezde temperatýrasy tómendeıdi, almasý zattary tómendep, anabıoz degen termın bar, uıqyǵa jaqyn jaǵdaı, sol balyqtardyń da almasý zattary azaıyp, aqyryn uıqyǵa barady da belgili jerde qystaı jata beredi. Azyqtyń qajeti keregi joq. Keıin muz erip, kún jylynǵanda qalpyna keledi», - deıdi ıhtıolog-ǵalym Shoqan Álpeıisov.