Almaly aýdanynyń komúnıtı ortalyǵynyń jastary «Almaty – bizdiń ortaq úıimiz» kampanıasy aıasynda «Jas niet» aksıasyn ótkizdi. Aksıa maqsaty – jalǵyz turatyn zeınetkerler men jeke sektorda turatyn erekshe qajettilikteri bar qarttardyń aýlalaryn tazalaýǵa kómek kórsetý.
İs-shara aıasynda jastar zeınetkerlerdiń úı aýmaǵyn retke keltirip, qorshaýlaryn boıap, aǵashtardy aǵartýǵa jáne basqa da sharýashylyq jumystaryna járdemdesti. Nátıjesinde 20-ǵa jýyq volonter 2 kúnde 16 úıdiń sharýashylyǵyna kómektesip, úlkenderdiń alǵystaryna bólendi, dep habarlaıdy almaty-akshamy.kz.
Volonterlerdiń aıtýynsha, mundaı aksıalar qarıalarǵa qurmet kórsetýdiń bir belgisi deıdi.
«Mundaı aqsıalardy Almaty jastary jıi ótkizip turady. Jalǵyz turatyn jáne kómekkke muqtaj qarıalarǵa kómek kórsetý bizdiń mindetimiz dep bilemiz. Aksıa aıasynda biz tek aýlalardy retke keltirip qana qoımaı, sonymen qatar zeınetkerler úshin azyq-túlik jıyntyqtary men shaıǵa táttiler túrinde shaǵyn syılyqtar alyp keldik», - deıdi Zere Maqsuthan.
Esterińizge sala keteıik, «Almaty – bizdiń ortaq úıimiz» aksıasy aıasynda Jumyspen qamtý jáne áleýmettik baǵdarlamalar basqarmasy «Jaqynyńa járdem ber» aksıasyn ótkizý týraly bastama jarıalady. Bul bastama UOS ardagerleri, qarttar men múmkindigi shekteýli jandar turatyn jeke turǵyn úılerdiń qorshaýy men úı mańyndaǵy aýmaqtyń estetıkalyq mazmunyn jaqsartýǵa baǵyttalǵan. Bul ýchaskelerde qorshaýdy, qaqpany syrlaý, irgeles aýmaqty qoqystan tazartý jáne t.b.s.s. jumystar júrgizý qajet.
İs-sharaǵa qalanyń barlyq turǵynry qatysa alady. Qatysýshylarǵa qorshaýdy, qaqpany yrlaýǵa arnalǵan boıaýlar men eritkishter tegin beriledi (bir adamǵa 2 kelige deıin boıaý beriledi).
Qatysý úshin myna nómirler boıynsha aýdandyq kóriktendirý bólimindegi jaýapty tulǵalarǵa júginý qajet:
1. Alataý aýdany: Veselov kóshesi, 18 «A» (Talǵat +7 708 502 03 68).
2. Almaly aýdany: Tóle bı kóshesi, 67 (Nurdáýlet +7 775 888 77 55).
3. Áýezov aýdany: Mamyr-1 sh/a., 26/1 (Baýyrjan +7 707 008 09 13).
4. Bostandyq aýdany: Tájibaev kóshesi, 155 "A" (Lıdıa +7 777 684 99 44).
5. Jetisý aýdany: Tıhov kóshesi, 87 «A» (Nurbergen +7 747 772 74 78).
6. Medeý aýdany: Pýshkın kóshesi, 72 (Abylaı +7 778 111 55 44).
7. Naýryzbaı aýdany: Baısultanov kóshesi, (Ońalbek +7 707 300 03 55).
8. Túrksib aýdany: Sholohov kóshesi, 9 (Bolat +7 747 139 93 60).
Esterińizge sala keteıik, 8 sáýir men 8 mamyr aralyǵynda Almatyda «Almaty – bizdiń ortaq úıimiz» naýqany ótip jatyr. Árbir turǵyn qalanyń damýy men abattandyrylýyna óz úlesin qosa alady.
Barlyq aqparat almaty.kz saıtynda, Almaty ákimdiginiń áleýmettik jelilerinde ornalasqan. Sondaı-aq, veb-saıtqa arnaıy QR-kod arqyly qala boıynsha ornalastyrylǵan bannerlerde, plakattarda jáne afıshalarda kirýge bolady.
Naýqannyń belsendi qatysýshylaryna arnalǵan áleýmettik jelidegi heshtegter: #AlmatyNashObshııDom, #NasMnogoGorodOdın, #AlmatyBizdińOrtaqÚıimiz, #BizKóppizQalajalǵyz.