28 tamyzda demalys kúnderi jumysqa tyıym salynǵanyna qaramastan, «Barys» bazary jumysyn jalǵastyrdy.
Almaty qalasy Almaly aýdanynyń monıtorıńtik toby dál osy kúni saǵat 13.30 shamasynda belgilengen karantındik shekteýlerdiń buzylýyn anyqtady, dep habarlaıdy Almaty-akshamy.kz.
Eske salsaq, Almatyda demalys kúnderi qoǵamdyq tamaqtaný (tek qana alyp ketý), saýda jáne oıyn-saýyq ortalyqtary, bazarlar, sulýlyq salondary men fıtnes-ortalyqtardyń jumysyna karantındik shekteýler engizilgen edi.
Endi «Barys» bazarynyń ıesine óte qomaqty kólemde aıyppul salynýy múmkin, materıaldar Almaly aýdanynyń sanıtarlyq-epıdemıologıalyq baqylaý basqarmasyna jiberildi.
Aıta keterligi, bazarda maska rejımi buzylǵan, kóptegen satyp alýshylar saýda aımaǵynda betperdesiz bolǵan.
Aıta keterligi, epıdemıologıalyq tekserýlerdiń nátıjeleri boıynsha Almatyda ınfeksıanyń negizgi oryndary: saýda obektileri - 32%, otbasylyq baılanys - 16%, qoǵamdyq kólikter - 17,1% jáne bazarlar - 13%.
Burynǵydaı, qalada 20 jastan 39 jasqa deıingi turǵyndar koronavırýsty juqtyrýdy jalǵastyrýda - 33,5%, 40 - 59 jas aralyǵynda - 25,2% jáne 60 jastan asqandar - 23,1%. Balalar men jasóspirimder arasynda - 18%.
Ótken táýlikte megapolıste koronavırýs ınfeksıasynyń 1 309 jaǵdaıy tirkeldi. Infeksıalyq stasıonarlarda 8 910 tósek oryn bar. Barlyǵy 5 551 adam aýrýhanaǵa jatqyzylǵan, onyń 142-si balalar.
Búgingi tańda AMSK pen Telemedısına ortalyǵynyń mobıldi toptary úıde 11 157 naýqasty baqylaýda.