Qalanyń ártúrli aýdandaryndaǵy ashyq alańdaǵy konserttik-oıyn-saýyq baǵdarlamalarynan bólek megapolıs turǵyndary men qonaqtaryna qalanyń kórnekti mádenı nysandarynda ótetin jańa jyldyq qoıylymdardy tamashalaýǵa múmkindik bar, dep habarlaıdy almaty-akshamy.kz
Qazaq memlekettik sırkinde 2024 jyldyń 14 qańtaryna deıin Golden Dragon baǵdarlamasy ótedi. Kórermenderdiń nazaryna áýedegi óner, sıqyrly qubylýlar, shımpanze-akrobat, sondaı-aq Eýropanyń úzdik ártisteri óz ónerin usynady. Sırk qoıylymy demalys kúnderi saǵat 16:00-de ótedi. Bılet quny 1 500 teńgeden bastalady.
Memlekettik qýyrshaq teatrynda «Jarqyraı tús, Jańa jyl!» atty baǵdarlama qoıylymy bastaldy. Jas kórermender men olardyń ata-analaryn Aıaz Ata men Aqshaqardan basqa Hagı-Vagı, Kısı-Mısı, Tıktok, YouTube, Cameraman, TV-man jáne t.b súıikti keıipkerleri kútedi.
Qoıylym 24-30 jeltoqsan aralyǵynda kún saıyn saǵat 16:00-de, jekelegen jáne qosymsha kórsetilimder saǵat 10:00-de nemese 12:00-de ótedi. Jańa 2024 jyly baǵdarlamany 7 qańtarǵa deıin uzartý josparlanýda. Bılet quny 3 000 teńgeden bastalady.
Respýblıka saraıynda 27 jáne 28 jeltoqsanda saǵat 12:00 men 17:00-de «Muzdy júrek» oıyn-saýyq-tanymdyq baǵdarlamasy ótedi. Keıipkerler qyzyqty shytyrmanǵa tap bolady: elementter, mıstıkalyq turǵyndarmen kezdesý, Elızany qutqarý, sıqyrshyny jeńý jáne Merıdiń jańa dosynyń kóńilinen shyǵý. Qoıylym barysynda akterler zalǵa shyǵyp, oınap, balalarmen aralasady. Bılet quny 5 000 teńgeden 30 000 teńgege deıin.
Sondaı-aq, 3 jáne 4 qańtarda respýblıka saraıynda Murat Mýtýrǵanovtyń «elimizdiń úzdik jańa jyldyq shoýy» qoıylady. Shoýda kásibı akterler, sırk ártisteri – jonglerler, akrobattar, gımnasttar, sıqyrshylar, saıqymazaqtar, ekvılıbrıser; balet ártisteri; bıshiler; jaryq shoýy men talantty balalar óner kórsetedi. Bılet quny 2 000 teńgeden 18 000 teńgege deıin.
Sondaı-aq, otandyq estrada juldyzdarynyń qatysýymen ótetin basty jańa jyldyq konsert 31 jeltoqsan kúni saǵat 22.00-de Astana alańynda ótetinin eske salamyz. Kirý tegin.