Almatyda alty jasar bala aǵalarymen birge oıyn-saýyq kesheninde batýtta kóńil kóterip, jasyrynbaq oınap júrip, shahtaǵa qulap ketken.
Ábdirahmannyń ata-anasy segiz jyl kútken ulynan aıyrylyp qala jazdady. Bala «Avatarıa» oıyn-saýyq kesheninde shahtaǵa qulap, jaraqat alǵan, dep habarlaıdy Almaty-akshamy.kz Astanatv.kz-ke silteme jasap.
Onyń eki aıaǵynyń bashpaılary synǵan. Mıy shaıqalyp, qoltyq astyndaǵy bulshyqetterine zaqym kelgen. Ol bir aı boıy júre almaı, múgedekter arbasynda otyrdy.
Bala birneshe qabatqa ushyp, medısınalyq ortalyqtyń shatyryna qulapty. Oǵan alǵashqy medısınalyq kómek sol jerde kórsetilgen.
Oıyn-saýyq ortalyǵynyń ókilderi barlyq shyǵyndy, sonyń ishinde ótemaqy tóleýge daıyn ekenderin aıtqanymen, jábirlenýshiler tym kóp aqsha suraǵan kórinedi.
«Árıne, biz ata-analardan keshirim suraımyz, biraq bul is áli jalǵasýda. Iá, bul tehnıkalyq bólme. Iaǵnı, biz azdap qadaǵalamadyq», – dedi kompanıa ókili Elena Kım.
İs boıynsha polısıa jumys istep jatyr.