Radıoelektronıka jáne baılanys áskerı-ınjenerlik ınstıtýtynda ótken shara yntymaq pen patrıotızmniń jarqyn kórinisi boldy.
Bilim ordasynyń bastyǵy general-maıor Nurtas Qabaqov jeke quramdy memlekettik merekemen quttyqtap, onyń árbir qazaqstandyq úshin mańyzdylyǵyn atap ótti, dep habarlaıdy aqshamnews.kz Qorǵanys mınıstrligine silteme jasap.
– Táýelsizdik kúni barshamyzdy elimizdiń jetistikterin saqtaýǵa jáne nyǵaıtýǵa umtyldyrady. Boryshqa adal, tártipti jáne memlekettiń qorǵanys qabiletin nyǵaıtýǵa qosqan úlesteriń úshin alǵys aıtamyn, – dedi ol.
General-maıor Nurtas Qabaqov jyl qorytyndysy boıynsha qyzmettik mindetterin úlgili atqarǵany úshin áskerı qyzmetshiler men merzimdi qyzmet sarbazdaryna gramotalar tabys etip, alǵys jarıalady. Oqýda jáne jaýyngerlik daıarlyqta jetistikteri bar kýrsanttarǵa "kishi serjant" áskerı ataǵy berildi.
Almaty qalasyndaǵy № 1 Oqýshylar úıiniń shyǵarmashylyq ujymy joǵary oqý ornynyń jeke quramyna konsert qoıdy. Jas ártister jaýyngerlerdi basty qundylyqtar – Qazaqstan halqynyń bostandyǵy, birligi men dástúrleri týraly eske salatyn jarqyn qoıylymdarmen qýantty.
Olarǵa oqý ornynyń aýmaǵyna arnaıy ekskýrsıa uıymdastyryldy, oqýshylar JOO-nyń erekshelikterimen jáne áskerılerdiń qyzmetimen tanysty.