Arhıtektýra, dızaın jáne ınjenerıa koleji (ADIK) Qazaqstan Prezıdenti jarıalaǵan «Jumysshy mamandyqtar jyly» aıasynda qurylys, arhıtektýra, turǵyn úı-kommýnaldyq sharýashylyq jáne óndiris salalarynda jumysshy kadrlardy daıarlaıtyn jetekshi bilim berý ortalyqtarynyń biri retinde óz pozısıasyn nyǵaıtýdy jalǵastyrýda.
Óńirlik komýnıkasıalar qyzmetiniń baspasóz konferensıasynda kolej dırektory Kamal Jamangozov oqý ornynyń negizgi jetistikteri men aldaǵy josparlaryn tanystyrdy, dep habarlaıdy aqshamnews.kz.
Spıkerdiń aıtýynsha, 1956 jyly negizi qalanǵan ADIK ártúrli ekonomıka salalarynda suranysqa ıe 50 myńǵa jýyq maman daıarlaǵan. Qazirgi ýaqytta kolejde memlekettik tapsyrys boıynsha 820 stýdent bilim alýda, olardyń 35%-i oqýyn Almatydaǵy jetekshi kompanıalarda tájirıbelik jumystarmen ushtastyryp júr.
Oqý ornynyń tıimdiliginiń mańyzdy kórsetkishteriniń biri – túlekterdi jumysqa ornalastyrý deńgeıiniń joǵary bolýy. 2023 jyly stýdentterdiń 84%-y jumyspen qamtylsa, 2024 jyly bul kórsetkish 88%-ǵa deıin ósti.
«Kolej shaǵyn jáne orta bıznestiń 65-ten astam kásipornymen belsendi túrde yntymaqtastyq ornatyp, stýdentterge praktıkalyq bilim alýǵa jáne ári qaraı jumysqa ornalasýǵa múmkindik beredi», – dedi Kamal Jamangozov.