Kezdesý qorytyndysy boıynsha bıznes orta ókilderi nátıjeli kezdesýge oń pikirlerin aıtty.
Antikor Ortalygy-nyń mamandary básekelestikti qorǵaý jáne damytý agenttigi ókilderimen kezdesti, dep habarlaıdy Almaty-akshamy.kz.
Kezdesý barysynda básekelestikti qorǵaý jáne damytý agenttiginiń apparat basshysy Saıan Ahmetjanov, Almaty qalasy Sybaılas jemqorlyqqa qarsy qyzmetiniń basshysy Murat Ahmetov, Almaty qalasy Ekonomıkalyq tergeý qyzmetiniń basshysy Embergen Qudaıbergen, «Almaty – adaldyq alańy» jobasynyń jetekshisi, Ulttyq qoǵamdyq senim keńesiniń múshesi Aınur Sabıtova, prokýratýra, polısıa, bıznes qoǵamdastyq jáne Almaty qalasynyń Kedergiler jónindegi keńes ókilderi qatysty.
Spıkerler monopolıaǵa qarsy saıasattyń baǵyttary, jumystaǵy basymdyqtar, bıznes orta ókilderimen ózara qarym-qatynas, "Adaldyq alańy" aıasynda birlesken jumystyń mańyzdylyǵy taqyrybyn kóterdi.
«Eń aldymen, pikir almasý úshin kraýdsorsıng alańdary ashylǵanyn atap ótkim keledi, onda eń ózekti máseleler boıynsha 200-den astam sesıa ótti. Elimizdiń 17 óńirinde kedergiler jónindegi keńester jumys isteıdi, olarǵa 200-den astam sarapshy qatysady. Osy ýaqyt ishinde kásipkerlik qyzmetti júzege asyrýdy qıyndatatyn 80-nen astam kedergi anyqtaldy», - dep atap ótti apparat basshysy Saıan Ahmetjanov.
Almaty qalasy básekelestikti qorǵaý jáne damytý departamentiniń basshylyǵymen qyzmettiń aralyq qorytyndylary talqylandy, atap aıtqanda 11 habarlama, 13 uıǵarym engizildi, 4 tergeý aıaqtaldy jáne 15 ákimshilik is qozǵaldy. Áleýmettik baǵdarlanǵan naryqtarda taýarlyq gazdy ótkizý, azyq-túlikti, sondaı-aq bastapqy turǵyn úıdi ótkizý bóliginde taldaýlar aıaqtaldy.
Qazirgi ýaqytta Memleket basshysynyń qurylys materıaldary baǵasynyń negizsiz ósýine jol bermeý týraly tapsyrmasyn oryndaý sheńberinde básekelestikti qorǵaý jáne damytý departamenti qurylys materıaldaryn óndirý men kóterme satýdyń 11 túrli naryǵyndaǵy básekelestiktiń jaı-kúıine taldaý júrgizýde.
Kezdesý qorytyndysy boıynsha bıznes orta ókilderi nátıjeli kezdesýge oń pikirlerin aıtyp, osyndaı is-sharalardy Antikor Ortalygy alańynda turaqty negizde shaǵyn jáne orta bıznes ókilderin keńinen tarta otyryp, ótkizýge tilek bildirdi.
Almaty qalasynyń Sybaılas jemqorlyqqa qarsy qyzmetiniń basshysy Murat Ahmetov odan ári yntymaqtastyqqa, básekelestikti qorǵaý jáne damytý organdaryna ádisnamalyq kómek kórsetýge daıyn ekendigin bildirdi jáne birlesken sharalar memlekettik mindetterdi sheshý úshin, sybaılas jemqorlyqqa qarsy is-qımylda, sondaı-aq elimizde kásipkerlikti damytý úshin áldeqaıda tıimdi bolady degen pikir bildirdi.
