Ol sırek shashyrańqy elementter metalýrgıasy salasynda ǵylymı mektep ashty.
Almatyda kórnekti ǵalym, profesor, Qazaqstan Ulttyq Ǵylym Akademıasynyń akademıgi, elimizdegi Atom salasynyń eńbek sińirgen qyzmetkeri Zınesh Ábishevaǵa arnalǵan eskertkish taqta ashyldy, dep habarlaıdy Almaty-akshamy.kz Almaty.tv silteme jasap.
Ǵylym shyńyn baǵyndyrǵan ol sırek metaldar metalýrgıasymen aınalysqan. İrgeli zertteýler jasap, Qazaqstandaǵy jaratylystaný ǵylymdarynyń damýyna qomaqty úles qosty. Búginde kórnekti ǵalymnyń qol jetkizgen jetistikteri men ǵylymı jańalyqtary óndiriske engizilgen.
«Doktorlyq dısertasıany qorǵaǵan kóp jyldar óndiriste istedi. Sol kezde radıogendi osmııdi alý tehnologıasyn alǵan alǵashqy ǵalym bolyp sanalady. Qazaqstandaǵy birinshi ǵalym bolyp eseptelinedi. Ol kisi ǵylym ortasynda júrip, Sátbaev ýnıversıtetinde kadrlar daıyndaýǵa akademıalyq ortaǵa keldi», – dedi Ó. Baıqońyrov atyndaǵy taý-ken metalýrgıa ınstıtýtynyń dırektory Qanaı Rysbekov.
Memorıaldyq taqtanyń ashylýyna jınalǵan zıaly qaýym Zınesh Ábisheva ózi qyzmet istegen jerdiń bárinde halqymyzdyń bolashaǵy úshin aıanbaı eńbek etkenin eske aldy. Profesordyń artynda 640-tan astam eńbegi qaldy. 86 avtorlyq kýáligi bar. Ol sırek shashyrańqy elementter metalýrgıasy salasynda ǵylymı mektep qurdy. On shaqty tehnıka ǵylymdarynyń kandıdatyn, eki PhD doktordy daıyndady.
«Sol salada ǵylymı mamandar daıyndaý. Zavodtarda óziniń tehnologıasyn engizip, sol paıdaly qazbalar jóninen eńbek ashyp, alǵan patentteri bar. Barlyǵy sol Zeınesh Sadırovnanyń arqasynda sol kisiniń ǵylymı mektebiniń arqasynda iske asty», – dedi Metalýrgıa jáne ken baıytý ınstıtýtynyń bas ǵylymı qyzmetkeri Sultanbek Qojahmetov.