Almaty qalasynyń qala qurylysyn baqylaý basqarmasy «Shuǵyla» shaǵyn aýdanyndaǵy Júnisov kóshesi, 135/20 ýchaskesinde ornalasqan nysannyń buzylǵany týraly habarlaıdy.
Turǵyndardyń ótinishi negizinde menshik ıesine qatysty jospardan tys tekserý júrgizildi. Tekserý barysynda taýnhaýstyń ruqsat berý qujattarynyń tolyq paketinsiz, sharýashylyq tásilmen turǵyzylǵany anyqtaldy.
Tekserý nátıjeleri boıynsha uıǵarym berý arqyly ákimshilik sharalar qabyldandy, ony menshik ıesi óz kezeginde oryndamady. Basqarma Naýryzbaı aýdandyq sotyna nysandy buzýǵa talap aryz berdi. 2024 jylǵy 2 aqpanda basqarmanyń talap-aryzdary qanaǵattandyryldy.
Buzý Ádilet departamentiniń sot oryndaýshylarynyń qatysýymen bastaldy.
Esterińizge sala keteıik, Almaty ákimi Erbolat Dosaevtyń zańsyz qurylysqa baqylaýdy kúsheıtý jónindegi tapsyrmasy aıasynda ótken jyldyń basynan beri 41 zańsyz nysan, onyń ishinde «Mechta», «KHAN», «Alma Garden» turǵyn úı keshenderi jáne basqalary tolyǵymen nemese ishinara buzylǵan.