Almatyda polısıanyń “Zańsyz kelýshi” jedel-aldyn alý is-sharasy barysynda eńbek mıgranty anyqtaldy.
Afrıka qurlyǵynan kelgen azamat qaladaǵy meıramhanalardyń birinde ydys jýýshy bolyp jumys istegen, dep habarlaıdy aqshamnews.kz Polisia.kz-ke silteme jasap.
– 14-18 qazan aralyǵynda Qazaqstan boıynsha “Zańsyz kelýshi – 2024” respýblıkalyq jedel-profılaktıkalyq is-sharasy ótip jatyr. Sharanyń basty maqsaty – zańsyz kóshi-qon arnalaryn anyqtaý, sondaı-aq onymen baılanysty basqa da quqyq buzýshylyqtardy anyqtap, olardyń jolyn kesý. İs-sharanyń alǵashqy kúninde kóshi-qon zańnamasyn buzǵan 214 adam anyqtaldy, onyń ishinde 157-si shetel azamattary. Sonymen qatar sot sheshimin oryndamaı, elden shyqpaǵan 8 sheteldik te anyqtaldy, – dep málimdedi Almaty qalalyq polısıa departamenti kóshi-qon qyzmeti basqarmasynyń bastyǵy Asqat Býtýnchınov.
Polısıanyń málimetinshe, keshegi túnde Almatydaǵy qurylys nysandarynyń birinen 50-ge jýyq sheteldik eńbek mıgranty tabylǵan. Olardyń barlyǵy ákimshilik jaýapkershilikke tartyldy.