Qalada jergilikti polısıa qyzmetiniń kómegimen zańsyz kóshi-qon derekterin anyqtaýǵa baǵyttalǵan birlesken jedel-profılaktıkalyq is-shara júrgizilip jatyr, dep habarlaıdy Almaty-akshamy.kz.
Qurylys nysandaryn tekserý nátıjesinde Qazaqstan Respýblıkasynda bolý erejelerin buzǵan 277 sheteldik anyqtaldy, olardyń 28-i alys shetelderdiń: Nıgerıa – 11, Túrkıa – 19, Úndistan – 3, Fılıppın – 2, Qytaı – 1, Iran – 1, sondaı-aq kórshiles elderdiń 249 azamaty: Ózbekstan – 184, Reseı – 38, Tájikstan – 18, Túrikmenstan – 4, Ázirbaıjan – 3, Qyrǵyzstan – 1 jáne Ýkraına – 1.
Jeke basyn kýálandyratyn qujattary joq 145 shetel azamaty qabyldap-taratýǵa ornalastyrylsa, taǵy 62-si sot sheshimimen elden shyǵaryldy. Sonymen qatar sheteldikterdi shaqyrý erejelerin buzǵan jáne olardyń der kezinde elden shyǵýyn qamtamasyz etpegen 82 zańdy tulǵaǵa shara qoldanyldy.