Qalalyq kóshi-qon qyzmeti kórshiles elderdiń azamattary kýrerlik qyzmet kórsetýmen aınalysyp júrgenin anyqtady, dep habarlaıdy almaty-akshamy.kz Polisia.kz-ke silteme jasap.
– Almaty qalasy Bostandyq aýdanynda kóshi-qon zańnamasyn óreskel buzyp, elimizde júrgen jeti sheteldik ustaldy. Onyń ústine olardyń jeke basyn kýálandyratyn qujattary bolmaǵandyqtan, olar qabyldap-taratýǵa ornalastyryldy. Odan ári sot sheshimimen quqyq buzýshylar ákimshilik jaýapkershilikke tartylyp, týǵan eline jer aýdarylady. Buǵan deıin de birneshe ret aıtqanymyzdaı, Almaty – Qazaqstannyń iri shahary. Qarjy jáne mádenı ortalyǵy retinde shetel azamattary munde jıi keledi. Degenmen, bizdiń elge kelý jáne munda bolý talaptaryn buzbaýǵa shaqyramyn, – dedi Almaty qalasy PD kóshi-qon qyzmeti basqarmasynyń basshysy Asqat Býtýnchınov.