Almatyda «Volokolamsk tas joly» kitaby kýrsanttarǵa tartý etildi.
Maqsat – bolashaq áskerılerdi ulttyq rýhta tárbıeleý, deıdi uıymdastyrýshylar. Sharaǵa dańqty qolbasshy Baýyrjan Momyshulynyń kelini Zeınep Ahmetova qatysty, dep habarlaıdy Almaty-akshamy.kz
Onyń sózinshe, Momyshuly soǵys kezinde aǵa leıtenant sheninen, batalón, polk, odan polkovnık bolyp, dıvızıany basqardy. Armıa ýstavyna ózgeris engizip, strategıa men taktıka salasynda jańalyq ákeldi. Munyń barlyǵy Otan qorǵaıtyn azamattarǵa aýadaı qajet.
"Ózi ómirden ótkenine 30 jyldan asyp ketse de, áli kúnge deıin ózinen keıingi urpaǵyna, ókshebasarlary, barlyǵyna óziniń úlgi-ónegesin, qaldyrǵan murasyn taratyp kele jatyr. Egerde sol jastarymyzdyń boıyna sińetin bolsa, otansúıgishtik, halqyn, elin, jerin súıetin azamat bolatynyna men anyq senemin", - deıdi B.Momyshulynyń kelini Zeınep Ahmetova.