Almaly aýdanynyń polıseıleri velosıped urlady degen kúdikpen 21 jastaǵy shetel azamatyn ustady, dep habarlaıdy aqshamnews.kz
Kúdikti velosıpedterdi kóbinese qorǵanys quraldarynsyz qaldyrylǵan kireberister men aýla aýmaqtarynan urlaǵan.
Qazirgi ýaqytta onyń on qylmystyq epızodqa qatysy bar ekendigi belgili boldy.
"Memleket Basshysy atap ótken "Zań men tártip" qaǵıdaty – bizdiń jumysymyzdaǵy basty ustanym. Azamattardyń múlkine qol suǵýshylyqtyń kez kelgen túri qatań túrde toqtatylyp, kináliler zań aldynda jaýap beredi. Biz velosıped pen basqa da múlik ıelerin saqtyq sharalaryn qabyldap, olardy qaraýsyz qaldyrmaýǵa shaqyramyz", – dedi, Almaly aýdandyq PB bastyǵynyń orynbasary Erjan Orazaev.