16 tamyzda Almatynyń Respýblıka saraıynda "Qazaqstannyń úzdik taýary" respýblıkalyq baıqaý-kórmesiniń aımaqtyq kezeńi ótedi, - dep habarlaıdy Aqshamnews.kz tilshisi.
İs-sharany Almaty qalasy ákimdigi men "Atameken" QR Ulttyq kásipkerler palatasy birlesip ótkizedi. Maqsat – otandyq taýar óndirýshilerdi qoldaý jáne ilgeriletý, shaǵyn jáne orta bıznesti damytý, sapaly ári básekege qabiletti ónimder arqyly naryqty tolyqtyrý, otandyq taýar tutyný mádenıetin qalyptastyrý.
Baıqaý úsh nomınasıa boıynsha ótedi:
• Óndiristik maqsattaǵy úzdik taýarlar;
• Halyq tutynatyn úzdik taýarlar;
• Úzdik azyq-túlik taýarlary.
Ár nomınasıada úsh jeńimpaz anyqtalady. Bıyl Almaty qalasynan túrli óndiris salasynda jumys isteıtin 63 kompanıa qatysady.
Aımaqtyq kezeńniń jeńimpazdary respýblıkalyq fınalǵa joldama alyp, "Qazaqstannyń úzdik taýary" ataǵyna úmitker bola alady. Qonaqtar úshin keń kólemdi kórme, konserttik baǵdarlama jáne marapattaý rásimi ótedi.
"Qazaqstannyń úzdik taýary" ulttyq baıqaýy 2006 jyldan QR Prezıdentiniń Jarlyǵy boıynsha ótkizilip keledi.
Sonymen qatar, kórme aıasynda Almatynyń 40 óndirýshisiniń (SHOB jáne jeke kásipkerler) jergilikti nemese aımaqtyq resýrstardan jasalǵan ónimder usynylatyn "Bir aýyl – bir ónim" (BABÓ) jobasy boıynsha jármeńke ótedi.
Jármeńke qorytyndysy boıynsha uıymdastyrýshylar 10 úzdik óndirýshini iriktep alyp, olardy óńirlik Brend-komıtettiń irikteýine jiberedi.
"Bir aýyl – bir ónim" jobasy "Atameken" UKP-men QR Ulttyq ekonomıka mınıstrliginiń tapsyrysy boıynsha "Men kásipker" baǵdarlamasynyń "Kásipkerlik áleýetti damytý" quraly aıasynda júzege asyrylady.
Jobanyń maqsaty – biregeı jergilikti ónimdi (bal, tosap, toqyma, kádesyı) brendpen jáne qaptamamen shyǵarý, óndiristi damytý, sonyń ishinde aýyldyq jerlerde; shaǵyn bıznesti, qolónershilerdi, áıelder men otbasylyq kásipti qoldaý; sondaı-aq jalpy óńirdiń damýyna, jumyspen qamtýǵa jáne eksportqa úles qosý.
Qaıda jáne qashan?
Ótetin orny: Almaty q., Respýblıka saraıy
Kúni men ýaqyty: 2025 jyldyń 16 tamyzy, saǵat 11:00-20:00