Qaıǵyly jaǵdaı Almatyda túnde Medeýge aparar jolda oryn aldy.
Motosıkl men velosıped soqtyǵysyp, eki adam qaza tapty. Jol apatynyń vıdeosy áleýmettik jelide tarap jatyr, dep habarlaıdy Almaty-akshamy.kz.
Almaty qalalyq polısıa departamentiniń málimetinshe, jol-kólik oqıǵasy túngi saǵat bir shamasynda Medeý aýdanynda boldy.
«Motosıkl men velosıpedtiń soqtyǵysýy saldarynan eki kóliktiń de júrgizýshisi qaza tapty. Atalǵan fakti boıynsha Almaty qalalyq polısıa departamentiniń anyqtaý basqarmasy QR Qylmystyq kodeksiniń 345-babynyń 4-bóligi (Abaısyzda eki nemese odan da kóp adamnyń ólimine ákep soqqan jol qozǵalysy erejelerin buzý) boıynsha sotqa deıingi tergeý amaldaryn bastady. Saraptamalar taǵaıyndaldy», - dep túsindirdi qalalyq polısıa departamentiniń baspasóz qyzmeti.