Almatyda vandalǵa qarsy 214 sham ornatyldy, dep habarlaıdy almaty-akshamy.kz
Olar Abaı dańǵylynnan Seıfýllın dańǵyly boıymen Dostyq dańǵylyna deıingi jaıaý júrginshiler jolyn jaryqtandyrady. Torsher shamdary osy ýchaskede turatyn turǵyndardyń ótinishi boıynsha qoldanystaǵy tirekterge ornatyldy. Burynǵy jaryqqa tózimdilik saqtaldy, dep atap ótti «Almaty Qala Jaryq» mamandary. Abaı dańǵylynda barlyǵy vandalǵa qarsy 214 zamanaýı shamdar ornatyldy. Qalpyna keltirý jumystary aǵymdaǵy jóndeý aıasynda júrgizildi jáne qosymsha qarajat qajet bolmady.
Torsher shamy Almaty qalasy úshin arnaıy ázirlengen. Ol ulttyq stılde oıý-órnektermen bezendirilgen, bul keshke trotýar aımaǵynda erekshe kórinis beredi. Torsher shamdary túgel metal, senimdi bekitpeleri bar. Óndirýshiler názik túıinder men qosylystardan aýlaq bolýǵa tyrysty. Vandalǵa qarsy torsher shamdar tózimdi.
Torsher shamdary Abaı dańǵylynda test rejıminde ornatylǵan. Keıinirek olardy qalanyń basqa bólikterine ornalastyrý máselesi zertteletin bolady.
Sonymen qatar, «Almaty Qala Jaryq» jedel - jóndeý brıgadasy Sátbaev-Baızaqov jolaıryǵynda jumys istemeıtin dińgekterdi qalpyna keltirdi.
Eske salsaq, osydan bir aı buryn «Almaty Qala Jaryq» KMK kóshe jaryǵyna qatysty problemalardy joıý úshin tehnıkalyq qyzmetkerler shtatyn ulǵaıtty. Almaty qalasynyń ákimi Erbolat Dosaevtyń tapsyrmasy boıynsha ótinishterdi iske asyrýdy jyldamdatý úshin jergilikti ýchaskelerde 20 adamnan turatyn birinshi brıgada quryldy.