Almatyda KVI boıynsha epıdemıologıalyq jaǵdaı turaqty, qala «jasyl» aımaqta.
Almatyda turaqty epıdemıologıalyq jaǵdaıdy qamtamasyz etý maqsatynda halyqty KVI-ge qarsy vaksınalaý men revaksınasıalaý jalǵasýda, dep habarlaıdy Almaty-akshamy.kz QazAqparatqa silteme jasap.
Almaty qalasynyń sanıtarlyq-epıdemıologıalyq baqylaý departamentiniń málimetinshe, Almatyda KVI boıynsha epıdemıologıalyq jaǵdaı turaqty, qala «jasyl» aımaqta.
«Almatyda ótken jyldyń 1 aqpanynan bastap bıylǵy 23 mamyrǵa deıin KVI-ge qarsy birinshi komponentpen 1 206 418 adam egildi, vaksınalaýdyń tolyq kýrsymen 1 163 779 adam qamtyldy. Sondaı-aq, 23 mamyrda qalada KVI-ge qarsy 430 509 adam revaksınalaýdan ótti», - delinedi vedomstvo habarlamasynda.
Sondaı-aq, departamentten habarlaǵandaı, qalada qazir ujymdyq ımýnıtet 60,2%-dy quraıdy. Bul turaqty epıdemıologıalyq jaǵdaıdy ustap turýǵa jetkiliksiz (ımýndyq qabat keminde 80% bolýy qajet). KVI juqtyrý qaýpi joǵary myna adamdar KVI-ge qarsy qaıta revaksınalaýǵa jatady:
1) medısına qyzmetkerleri;
2) medısınalyq-áleýmettik mekemelerdiń kontıngenti men personaly;
3) kúshtik qurylymdardyń qyzmetkerleri;
4) pedagogter;
5) penıtensıarlyq (qylmystyq-atqarý) júıe mekemeleriniń kontıngenti;
6) 50 jastan asqan adamdar.
Almaty qalasyndaǵy barlyq qalalyq emhanalarda QazCOVIDin/Qazvak, VeroCell, «Komırnatı» (Pfizer, AQSH) sıaqty COVID-19-ǵa qarsy vaksınalar jetkilikti mólsherde bar.
Azamattar turǵylyqty jeri nemese jumys/oqý orny boıynsha aýmaqtyq qalalyq emhanalarda COVID-19-ǵa qarsy vaksınalaý nemese revaksınalaýdan ótýlerine bolady.