Qaýipti indetke qarsy vaksına alý jalǵasýda
Almaty tehnologıalyq ýnıversıteti qyzmetkerleriniń 90 paıyzy koronavırýsqa qarsy ekpe saldyrdy, dep habarlaıdy Almaty-akshamy.kz.
Joǵary oqý orynynyń tárbıe jumysy jáne áleýmettik máseleler jónindegi prorektory Dılára Bısalıevanyń aıtýynsha, ujym vaksınanyń mańyzdylyǵyn jaqsy túsinedi.
«Qazirgi tańda ýnıversıtette barlyǵy 646-qyzmetker eńbek etedi. Olardyń 90% -y vaksınanyń eki komponentimen de egildi. Al 9%-da medısınalyq qarsy kórsetilimi bar. Aıta ketý kerek, oqý ǵımaratynda Ashyq júıesi jumys isteıdi», - dedi prorektor.
Sondaı-aq, vaksına alǵan stýdentter arasynda utys oıyndary oınatylǵan.
«Vaksına alǵan 100 stýdentke «Ońaı» jol júrý kartasy taratyldy, 200 stýdent jataqhanamen qamtyldy, 60 stýdentke «Meloman» kitap dúkeninen kitap alý úshin sertıfıkat berildi, 40 stýdent ATÝ-dyń tildik kýrsynda oqıdy»,- dedi Dılára Bısalıeva. Stýdentter búgingi kúni de qaýipti indetke qarsy vaksına saldyryp jatyr.