Almatyda «Kreatıv jastar» jobasy aıasynda uıymdastyrylǵan «Úzdik ınovasıalyq startaptar» baıqaýynyń jeńimpazdary marapattaldy
Qala kóleminde ótken jobanyń 12 nomınasıasy boıynsha úzdik dep tanylǵan joba avtorlaryna syılyqtar men arnaıy sertıfıkattar tabystaldy, dep habarlaıdy Almaty-akshamy.kz Almaty.tv-ge silteme jasap.
Endi jeńimpazdar óz bastamasyn iske asyrý úshin bıznes granttaryna qatysatyn bolady.
«Kreatıvti tehnologıalardy ıgerý jáne ony júzege asyrý – zaman talaby. Baıqaý boıynsha 5 trenıń ótkizilip, bilikti mamandar jastardy daıarlady. Jastar óz jobasyn, óz ıdeıasyn usyndy», – dedi máslıhat depýtaty Ásıa Aqanova.
Baıqaý bastalǵaly 500 ótinim túsip, irikteý nátıjesinde 12-si úzdik dep tanyldy. Búgin ótken jıynda barlyq joba kópshilik nazaryna usynylyp, uıymdastyrýshylar bastamanyń ózektiligi men erekshelikterin atap kórsetti.
Aıta ketsek, jastarǵa múmkindik beretin baıqaý qalalyq qoǵamdyq damý basqarmasynyń jáne «Jas Otan» jastar qanatynyń qoldaýymen ótti.
«Meniń jasaǵan jobam «3D bıozerthana» dep atalady. Bul zerthanada biz burynǵy gıpsterdiń ornyna qoldan jasalǵan oramalardy jasadyq. Mundaı joba elimizge kelip jatyr. Al jahandyq naryqta endi qolǵa alynǵan jobalardyń biri», – dedi úzdik joba ıegeriniń biri Orynbasar Qaldarbek.