Almaty qalasynyń №2 qalalyq perınataldyq ortalyǵynda úshem dúnıege keldi.
38 jastaǵy qala turǵyny kesar tiligi arqyly úsh qyzdy dúnıege ákelgen, dep habarlaıdy aqshamnews.kz.
Almaty qalasy Qoǵamdyq densaýlyq saqtaý basqarmasynyń málimetinshe, ota sátti ótken, jańa týǵan nárestelerdiń salmaǵy: 1970 gram, 1990 gram, 1960 gram.
2013, 2018 jáne 2019 jyldary úsh balasyn dúnıe ákelgen ananyń bul - tórtinshi júktiligi.
"Sábıler dúnıege kelgennen keıin jansaqtaý bóliminde birneshe kún jatyp, qajet em aldy. Qazir olar analarymen birge palataǵa aýystyryldy, jaǵdaıy jaqsy", - dedi neonatologıa bóliminiń meńgerýshisi Aınurym Sarbas.
Úshemniń anasynyń aıtýynsha, alǵashqy skrınıng kezinde birden úsh sábı ekenin bilgen.
"ÝDZ dárigeri mende úsh embrıon bar degende tańǵaldym. Bizdiń áýletimizde ájemniń tarapynda egiz bolǵan, biraq eshkimde úshem bolǵan emes.
Analızderim jaqsy bolmaǵandyqtan, osy perınataldyq ortalyqqa, patologıa bólimine tústim. Dárigerlerdiń kúsh-jigeriniń arqasynda balalardyń salmaǵy qanaǵattanarlyq bolǵanda, kesar tiligin jasaýdy uıǵardy. Endi otbasymyzda bes qyz, bir ul boldy. Óte qýanyshtymyz!" - dedi baqytty ana.
Aıta keteıik, bıyl 10 aıda Almatyda 39 750 bala dúnıege keldi, onyń 445-i - egiz, 8-i - úshem.