Bul týraly Bas prokýratýranyń 1 qyzmet bastyǵynyń orynbasary Eldos Qılymjanov málimdedi.
Onyń aıtýynsha, kúdiktilerdiń osy qylmystarǵa qatysy baryn beınekamera jazbalary, kýágerlerdiń jaýaby men saraptamalyq zertteýler rastap otyr, dep habarlaıdy Almaty-akshamy.kz.
Almatyda jappaı tártipsizdikter kezinde úsh azamat polısıanyń 42 qyzmettik avtokóligin qıratqan.
Almaty qalasynda arnaıy prokýrorlar úsh azamatqa qatysty sotqa deıingi tergeýdi aıaqtady. Olar jappaı tártipsizdikterge qatysyp, memlekettik organdardyń ǵımaratyna shabýyl jasady jáne bılik ókilderine kúsh qoldandy degen kúdikke ilindi.
«Qańtardyń 4-inen 5-ne qaraǵan túni atalǵan qylmyskerler Almaty qalasynyń ortalyq alańynda bolyp, basqa adamdarmen toptasa otyryp, polısıanyń 42 qyzmettik avtokóligin qıratty. Qoljetimdi quraldarmen qarýlanyp, quqyq qorǵaý qyzmetkerlerine qatysty zorlyq-zombylyq jasady. Sodan keıin ákimdik ǵımaratyna shabýyl jasaýǵa jáne órteýge belsendi qatysty», - dedi Qılymjanov.
Kúdiktilerdiń osy qylmystarǵa qatysy baryn beınekamera jazbalary, kýágerlerdiń jaýaby men saraptamalyq zertteýler rastap otyr. Qylmystyq is aıyptaý aktisimen sotqa joldandy.