Bıyl «Jas Qanat» shaǵynaýdanynda úsh káriz sorǵy stansıasyn ornatý aıaqtalady. Muny Almaty ákimi Erbolat Dosaev Túrksib aýdany turǵyndarymen kezdesýde aıtty, dep habarlaıdy Almaty-akshamy.kz.
Sonymen qatar, 1,5 myńnan astam úıdi qamtı otyryp, «Avıator», «Álmerek» jáne «Maıak» shaǵynaýdandarynda 64 shaqyrym jelini salý jumystary bastaldy.
Aıta keteıik, 2022 jyly aýdanda 100 shaqyrymnan astam sýmen jabdyqtaý jáne sý burý jelileri salynyp, qalpyna keltirildi. Baımaǵambetov – Shemákın – Komıntern – Aıtyqov kósheleriniń bóligindegi 21 shaqyrym jeli jańǵyrtylyp, «Jas Qanat», «Shýaqty» jáne «Nıjnáá Pátıletka» shaǵynaýdandarynda 82 shaqyrym jańa jeli salyndy.
Osy shaǵynaýdandardaǵy qalǵan 47 shaqyrym jeli boıynsha jumystar jalǵasyp jatyr, ol bıyl aıaqtalady. Bul 6 myńnan astam abonentti sapaly sýmen jáne kanalızasıamen qamtýǵa múmkindik beredi.