Jańa marshrýttar 15 tamyzdan bastap iske qosyla bastaıdy.
Metropolıtenniń jańa stansıalarynyń iske qosylýyn eskere otyryp, qalanyń batys bóligindegi marshrýt jelisin túzetý jumystary aıasynda úsh jańa marshrýt ashý josparlanyp otyr. Sonymen qatar qoldanystaǵy toǵyz marshrýt syzbasyna ózgerister engiziledi, dep habarlaıdy Almaty-akshamy.kz.
15 tamyzdan bastap "Abaı" shaǵynaýdanynan Karernaıa kóshesi arqyly Momyshuly metro stansıasyna deıin júretin №49 jáne "Asyl Arman" yqshamaýdanynan "Besaǵash" shaǵynaýdanyna deıin qatynaıtyn №100 marshrýttardy ashý josparlanǵan. Sonymen qatar 30 tamyzdan bastap "Kemertoǵan" shaǵynaýdanynan Momyshuly metro stansıasyna deıin qatynaıtyn №53 marshrýtty iske qosý josparda bar.
Qoldanystaǵy №137 marshrýt ekige bólinetin bolady. Batys bólikte Naýryzbaı aýdanynyń ákimshilik ortalyǵynan "Adem" SO-na deıin qysqartylǵan №137 marshrýt qalady, al shyǵys bólikte "Adem" SO men "Qaırat" shaǵynaýdany aralyǵynda №138 qatynaıdy. Marshrýtty 15 tamyzdan bastap shyǵarý josparlanyp otyr.
№55 marshrýt metro stansıalaryna deıin jetkizýshi retinde ashylyp, bastapqyda ony Momyshuly stansıasyna deıin qysqartý josparlanǵan bolatyn. Alaıda jolaýshylar tarapynan suranystyń joǵary ekendigin eskere otyryp, marshrýtty Altynsarın dańǵylynan keri burý týraly sheshim qabyldandy.
№110 marshrýt 10 tamyzdan bastap bir aıaldamaǵa uzartylyp, Momyshuly metro stansıasymen baılanystyrylatyn bolady.
№212 marshrýtty 15 tamyzdan bastap qala ortalyǵyna deıin qysqartý josparlanǵan. Endi marshrýt Jandosov eldi mekeninen Saın-Jandosov kósheleri qıylysyna deıin júredi.
Sonymen qatar 15 tamyzdan bastap №78 marshrýt Almatyǵa soltústik-batys bólikten kiretin qala mańy turǵyndary úshin Momyshuly metro stansıasyna jetkizetin marshrýt bolady. Al №23 marshrýt Almaty-2 temirjol vokzalyna deıin qysqartylady.