Jetisý aýdanynyń polısıa qyzmetkerleri eki telefon urlyǵyn ashty.
Eki qylmys ta iri saýda úıinde jasalǵan, dep habarlaıdy Almaty-akshamy.kz Polisia.kz-ke silteme jasap.
«Birinshi jaǵdaıda belgisiz bireý erkin qol jetkizý arqyly vıtrınadan jasyryn túrde telefon urlap ketken. Taǵy birinde jeńil aqshaǵa qumar azamat quny 460 myń teńge turatyn jańa IPhone mobıldi qurylǵysyn baıqap qalyp, ony urlap ketken. Eki derek boıynsha da qylmystyq is tergelip jatyr. 33 jáne 22 jastaǵy kúdiktiler ustaldy. Atalǵan epızodtardyń biri dúkende ornatylǵan beınebaqylaý kameralary arqyly túsirilgen. Kúdiktilerdiń jeke basy basqa da yqtımal qylmysqa qatysy bar-joǵyna tekserilip jatyr», – dedi Jetisý aýdandyq polısıa basqarmasynyń bastyǵy Jánibek Shynasylov.
QR QK-niń 201-babyna sáıkes ózge aqparat tergeý múddesine oraı jarıa etilmeıdi. QR Konstıtýsıasynyń 77-baby 3-bólimi 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady.