Almaty polıseıleri urlanǵan telefondardy satyp alýshyny ustady.
Jedel ýákilderdiń jumys nusqasyna súıensek, 31 jastaǵy er adam urlanǵan zattardy satý arqyly birneshe ret saýda jasaǵan bolýy múmkin, dep habarlaıdy Almaty-akshamy.kz Polisia.kz-ke silteme jasap.
«Ol IPhone 12 Pro Max jáne Samsung Galaxy A20 telefonyn satyp alý kezinde ustaldy. Onyń ústine ol uıaly telefondardy satýshynyń qylmystyq jolmen alǵanyn bilgen. Bul jedel jáne arnaıy sharalar nátıjesinde alynǵan málimettermen rastalady. Qylmystyń tarıhy mynadaı: birneshe kún buryn qoǵamdyq kólikte jolaýshydan osy uıaly telefondardyń birin urlap ketken jas jigit ustaldy. Kúdiktige QR QK-niń 196-baby (Kórineý qylmystyq jolmen tabylǵan múliktiıemdený nemese ótkizý) boıynsha aıyp taǵylyp jatyr», – deıdi Medeý aýdandyq polısıa basqarmasynyń bastyǵy İlıas Ómirserikov.
QR QPK-niń 128-babyna (Ustap alý negizderi) sáıkes, A. esimdi azamat ýaqytsha ustaý ızolátoryna qamaldy. QR QPK-niń 201-babynyń talaptaryna, sondaı-aq QR Konstıtýsıasynyń normalaryna sáıkes, qylmystyq is boıynsha ózge de málimetter jarıa etýge jatpaıtynyn habarlaıdy.