Almatydaǵy 28 gvardıashy-panfılovshylar atyndaǵy saıabaqta Uly Otan soǵysyndaǵy Jeńistiń 80 jyldyǵyna arnalǵan negizgi saltanatty is-sharalar ótti. Bul tarıhı kúni ardagerler, qala basshylyǵy jáne qala turǵyndary jınalyp, beıbitshilik syılaǵan batyrlarǵa taǵzym etti.
Almaty ákimi Erbolat Dosaev soǵys ardagerlerimen birge Máńgilik alaýǵa gúl shoqtaryn qoıý rásimine qatysty.
Sondaı-aq, Almatyda B.Momyshulynyń monýmentine, T.Bıgeldınov, R.Qoshqarbaevtyń memorıaldyq taqtasyna, Á.Moldaǵulova men M.Mámetova, S.Nurmaǵambetov eskertkishterine, S.Lýganskıı bústine, «Otan uldaryna máńgilik estelik» jáne «Otan úshin qaza tapqan batyrlarǵa máńgilik dańq» memorıaldary men soǵys batyrlaryna arnalǵan memorıaldyq taqtalarǵa gúl qoıý rásimi ótti.
Gúl qoıý rásiminen keıin Erbolat Dosaev maıdangerlermen jáne olardyń jaqyndarymen birge 9 mamyr qarsańynda ashylǵan Uly Otan soǵysy ardagerleriniń aleıasyn aralady.
Saıabaqta erekshe atmosfera ornady – halyq kóp, kóńil-kúı de kóterińki. Soǵys ardagerleri, olardyń jaqyndary men jınalǵan qala turǵyndary aq tilegin aıtyp, áserin bólisti.
«Men Qazaqstanda turatynyma qýanamyn, óte baqyttymyn. Barshańyzǵa beıbitshilik pen tatýlyq tileımin», – dedi UOS ardageri Aleksandr Jýravlev.
Jetisý aýdany Ardagerler keńesiniń tóraıymy Tamara Shákirova tyl eńbekkerleri men soǵys ardagerlerine uzaq ta baqytty ǵumyr tiledi.
«Jeńis kúniniń mańyzyna baǵa jetpeıdi. Eger tarıhymyzdy umytsaq, balalarymyzdy eshqashana patrıotızm men adamgershilikke tárbıeleı almaımyz. Sondyqtan bul kóz jasymen, samaıdaǵy aq shashpen kelgen erekshe mereke. Soǵysta bolǵandardyń barlyǵy batyrlar. Ardagerlerge jáne tyl eńbekkerlerine uzaq ta baqytty ǵumyr tileımin», – dedi ol.
Azamattyq avıasıa ardageri Aleksandr Smırnov jyl saıyn Máńgilik alaýǵa gúl shoqtaryn qoıýǵa qatysatynyn aıtty.
«Jeńis kúni – óte mańyzdy mereke. Jyl saıyn 28 gvardıashy-panfılovshylar atyndaǵy saıabaqqa kelip, Máńgilik alaýǵa gúl shoqtaryn qoıamyn. Barshamyzǵa ashyq aspan tileımin. Adamdar árqashan baqytty ómir súrip, qaza tapqan batyrlardy esten shyǵarmaýy kerek», – dedi ol.
28 gvardıashy-panfılovshylar atyndaǵysaıabaqta áskerı tehnıka kórmesi ótti, qalaturǵyndary men qonaqtary úshin dalalyq ashana uıymdastyryldy, merekelik konsert boldy. Onda qazaqstandyq artıser maıdan jáne soǵystan keıingi jyldar ánderin oryndady.
Jeńis kúni Ortalyq mádenıet jáne demalys saıabaǵynda da atalyp ótti. Munda «Batyrlarǵa taǵzym» aksıasy bastaý alyp, onyń sońǵy aıaldamasy 28 gvardıashy-panfılovshylar saıabaǵy boldy. Bul is-sharaǵa 30 myńnan astam almatylyq qatysty. Sherýdi áskerı orkestr, qurmet qaraýyly rotasy jáne ardagerler uıymdarynyń ókilderi bastap júrdi.
Almatylyq Lúbov Ivanovna Shmalkoaksıaǵa ata-anasynyń portretimen keldi.
«Ekeýi de soǵys kórdi, qıyndyqty bastan keshirdi. Biraq keıin shańyraq quryp, bes bala tárbıeledi. Biz olardy maqtan tutamyz. Olar únemi «eń bastysy – beıbitshilik» dep aıtatyn. Jas býyn osy syıdyń qadirin bilip, umytpasa eken tileımin», – dedi ol.
«Batyrlarǵa taǵzym» aksıasynyń eń jas qatysýshylarynyń biri bes jastaǵy Aslaı Abaı.
«Bizdiń otbasymyzda Jeńis kúnin atap ótý dástúrge aınalǵan. Biz fılm kóremiz, áskerı án tyńdaımyz. Ata-anam biz babalar erligi jaıly bilýimiz kerek deıdi. Maǵan búgingi mereke óte unady!» – deıdi Aslaı.
Kóptegen adam bul is-sharaǵa búkil otbasymen keldi.
«Búgin otbasymyzben keldik. Bizdiń úlken otbasymyzda soǵysqa qatysqan batyrlar kóp. Tórteýi soǵysqa attandy, tek bireýi ǵana oraldy. Atamyz feldsher bolyp júrip, 57 adamdy urystan arqalap alyp shyqqan. Ómirin saqtap qaldy. Ózi aýyr jaraqat alǵan. Biz eshqashan olardy umytpaımyz, eske alyp, alǵys aıtamyz. Jeńis kúni – bul óte jarqyn mereke, ony biz – jas urpaq umytpaı, bolashaqqa jetkizýimiz kerek», – dedi ardagerdiń shóberesi Elena Kýlakova.
Almatylyq Vladımır Chernyshev aty ańyzǵa aınalǵan 8-shi gvardıalyq atqyshtar dıvızıasynyń jaýyngeri general Panfılovtyń uly:
«Ákem Grıgorıı Gavrılovıch Chernyshev 1941 jyldyń shildesinde maıdanǵa attanyp, 1945 jyldyń 18 qyrkúıeginde áskerden oraldy. Soǵysqa tolyq qatysty. 8-gvardıalyq Panfılov dıvızıasynda, 1077-atqyshtar polkinde qyzmet etti. Volokolamsk tas jolyndaǵy shaıqastarǵa qatysqan, Panfılovtyń qazasyna kýá bolǵan. Men ákemmen maqtanamyn. Eshkim de, eshteńe de umytylmasyn deımin», – dedi ol.
Jazǵy sahnada estrada artısteri men mádenıet qaıratkerleri soǵys jyldaryndaǵy ánderdi oryndady.
Sondaı-aq, qala turǵyndaryna saıabaqtaornalasqan dala asqanalarynan naǵyz sarbazbotqasy usynyldy.
Almaty turǵyndary men qonaqtary qala qurylymdary, ardagerlik jáne qoǵamdyq uıymdar uıymdastyrǵan merekege kýá boldy.
Soǵys jyldary maıdanǵa 1,2 mıllıon qazaqstandyq shaqyryldy. 100 myńnan astam adam jaýyngerlik ordender jáne medaldarmen marapattaldy, 500-den astam adam Keńes Odaǵynyń Batyry atandy. Búginde Almatyda UlyOtan soǵysynyń 21 ardageri turady.