Jeńis kúni qarsańynda Almatyda merekelik sharalar mazmunynyń ár alýandyǵymen este qaldy. Tarıhı datany eske alýǵa arnalǵan sharalar qatarynda «Jady poıyzyn» qarsy alý saltaty merekeniń mánin asha tústi.
Almaty-2 temirjol vokzalynyń perronynda ótken merekelik jıynnyń shymyldyǵyn Qurmanǵazy atyndaǵy Qazaq ulttyq halyq aspaptar orkestri ashty. Al temirjolshylar men mektep oqýshylary potrıottyq ánder shyrqap, jeńis rýhyna arnǵalǵna óleńder oqydy.
İs-sharanyń basty máni tarıhı parovozdyń Almaty-2 perroryna qoıylýy boldy. Bul paravoz soǵys aıaqtalǵan 1945 jyly Berlınnen Almatyǵa ákelingen. Soǵys dáýiriniń jádigeri Almaty temirjolyndaǵy sońǵy tarıhı paravoz sanalady.
–"Búgin bul tarıhı paravozdy soǵys kezinde paıdalanylǵan vagondarymen birge shyǵaryp, osynda alyp keldik. Ondaǵy maqsatymyz tarıhtyń bir úzigin qazirgi urpaqqa kórsetý, sol kezdegi qoldanylǵan tehnıkalardy, temirjolshylardyń eńbegin, olardyń jeńistegi rólin uǵyndyrý. Almaty temir jolynda soǵys kezinen beri saqtalǵan sońǵy paravoz, sondyqtan onyń tarıhı quny joǵary", – deıdi Almaty temirjolshy ardagerler keńesiniń tóraǵasy Dýan Omarov.–"Jeńis kúninde Almaty-2 temirjol vogzalyna tarıhı eshelon kelip tur. Búgingi ulttyq-patrıottyq is-sharaǵa kóptegen jastardyń kelip qatysyp jatqany qýantady. Jastarymyzdyń óz tarıhyn bilýmen qatar atalarymyz ben ákelerimizdiń erligin umytpaýy, búgingi beıbit otanymyzdy súıýi de asa mańyzdy dep oılaımyn", – deıdi vogzal sharýashylyqdepartamenti dırektorynyń orynbasary Qajymuqan Ibragımov.
Tarıh júgin súıregen poıyzdy kórýge kelgen almatylyqtar arasynda 6 jastaǵy Qadyrjan da boldy. Ol anasymen birge merekelik sharany kórýge arnaıy kelgen.
Ol tarıh eshelon janynda turyp «Soǵys bolmasa eken, beıbitshilik ornasa eken! Álemniń bar balalary alańsyz oınasa eken!» degen ánin shyrqady. Konserttik sharalardan keıin ardagerler men temirjolshylar, mektep oqýshylary áskerı-dala asqanasynan tamaqtanyp, estelik sýretterge tústi.