Qatysýshylar kókpar, aýdaryspaq, teńge ilý, jamby atý, alaman báıge syndy sport túrlerinen baq synaýda. 
Almaty ıpodromynda V Dúnıejúzilik kóshpendiler oıyndary qarsańynda «Uly Dala Oıyndary» ulttyq sport túrlerinen festıvál ótýde, dep habarlaıdy aqshamnews.kz
Sondaı-aq qonaqtar úshin asyq atý, toǵyzqumalaq, gir kóterý jáne qol kúresinen sheberlik sabaqtary uıymdastyrylǵan.
«Jarystar ulttyq sportty keńinen nasıhattaý, sondaı-aq V Dúnıejúzilik kóshpendiler oıyndaryn tanystyrý maqsatynda ótkizilýde. Jarystar sporttyń 12 túrinen ótedi. Qatysýshylar bizdiń shaqyrýymyz boıynsha elimizdiń ár óńirinen keldi», - dedi uıymdastyrýshylardyń biri Nurlan Ospanov.
Aıta keterligi, Alaman báıgeniń júlde qory 3 mıllıon teńge, Qunan báıgege 2 mıllıon teńge tigilgen.
Uıymdastyrýshylardyń taǵy biri Baýyrjan Talǵatulynyń aıtýynsha, báıgeden Ákim kýbogyna úshin irikteý 11 tamyzda ótedi.
V Dúnıejúzilik kóshpendiler oıyndary 8-13 qyrkúıekte Astanada ótedi, oǵan 89 elden 2 myńnan astam qatysýshy keledi.
Buǵan deıin J. Úshkempirov atyndaǵy Jekpe-jek saraıynda qandaı jarystar ótetinin habarlaǵan bolatynbyz.