19-maýsym kúni bizdiń qurama Soltústik Irlandıamen oınaıdy.
Magomed Adıev jattyqtyratyn Qazaqstan ulttyq quramasy Almatyda túgeldeı jınalyp, Ortalyq stadıonda alǵashqy jattyǵýyn ótkizdi, dep habarlaıdy Almaty-akshamy.kz
Fýtboldan Qazaqstan ulttyq quramasy maýsym aıynda 2024 jylǵy Eýropa chempıonatynyń irikteý týrnıri aıasynda syrt alańda San-Marıno jáne Soltústik Irlandıa quramalarymen oınaıdy.
Máskeýdiń SSKA komandasynda oınaıtyn Baqtıer Zaınýtdınov ǵana Reseı kýbogynyń fınalynan keıin qatarǵa qosylady.
Qazaqstan quramasy maýsym aıynda 2024 jylǵy Eýropa chempıonatynyń irikteý kezeńinde syrt alańda eki mach ótkizedi. 16 maýsym kúni Magomed Adıev komandasy San-Marınomen Italıanyń Parma qalasynda kezdesedi. Oıyn "Ennıo Tardını" stadıonynda elorda ýaqytymen 00:45-te bastalady.
Al 19-maýsym kúni bizdiń qurama Soltústik Irlandıamen oınaıdy. Kezdesýdiń bastalýy Astana ýaqytymen 00:45-ke josparlanǵan. Mach Belfast qalasy, "Ýındzor Park" stadıonynda ótedi.
Fýtboldan Qazaqstan ulttyq quramasynyń bas bapkeri Magomed Adıev maýsym aıynda ótetin Eýropa chempıonatynyń irikteý kezeńine qatysatyn sońǵy quramdy jarıalady. Sonymen, San-Marıno men Soltústik Irlandıaǵa qarsy machtarda ulttyq qurama sapynda kelesi oıynshylar óner kórsetedi:
Qaqpashylar: Shaskıı, Ýstımenko, Shaızada;
Qorǵaýshylar: Malyı, Marochkın, Álip, Beısebekov, Erlanov, Bystrov, Gabyshev, Dosmaǵambetov, Vorogovskıı, Skvorsov, Qasym, Tapalov;
Jartylaı qorǵaýshylar: Qýat, Darabaev, Taǵybergen, Astanov, Samorodov, Zaınýtdınov, Orazov, Keńesov;
Shabýylshylar: Prokopenko, Aıymbetov, Shýshenachev, Shvyróv.