Almatyda 2 shilde kúni saǵat 20:00-de Abaı alańynda Ulttyq dombyra kúnine oraı «Ańyz Dombyra» merekelik konserti ótedi. Merekelik konsert sahnasynda Meırambek Bespaev, Asylbek Eńsepov, Ǵazızhan Shekerbek, Janar Aıjanova, «Alashuly» toby, Tamara Asar, Erbolat Qudaıbergen, Nurlan Alban, «Ulytaý» toby, Raım Ýaıs, Kyle Ruh, «Made in KZ» jáne t. b. óner kórsetedi, dep habarlaıdy almaty-akshamy.kz
Merekelik konsertke tanymal kúıshiler – Nurjan Tájikenov, Aıgúl Qosanova, Tileýles Qurmanǵalıev, Sáýle Janpeıisova, Gúlmıra Sarına, Ardaq Isataeva jáne Erkin Qudaıbergen qatysady. Olar uly kompozıtorlar Qurmanǵazy men N.Tilendıevtiń tanymal halyq ánderi men shyǵarmalaryn oryndaıdy. İs-shara aıasynda qazaq halyq aspaptary sheberlerin – talantty qolónershilerdi estelik syılyqtarmen marapattaý ótedi.
Aıta keterligi, ulttyq aspaptyń qurmetine arnalǵan mereke Qazaqstanda jyl saıyn 2018 jyldan bastap shildeniń birinshi jeksenbisinde atap ótiledi.
Ulttyq dombyra kúnin merekeleý qalanyń basqa aýdandarynda da ótedi:
- Áýezov aýdanynda «Ulttyq dombyra kúni» merekelik fleshmoby 2 shilde kúni saǵat 09:00-de Altynsarın dańǵyly, 23 mekenjaıy boıynsha aýdan ákimdigi ǵımaratynyń aldynda ótedi.
- Alataý aýdanynda «Naǵyz qazaq - qazaq emes, naǵyz qazaq – dombyra!» merekelik konserti Ulttyq dombyra kúnine oraı 2 shilde kúni saǵat 11:00-de Nurkent 5/11 shaǵyn aýdanyndaǵy dástúrli mýzykanyń mýltımedıalyq ortalyqta ótedi.
- Jetisý aýdanynda Ulttyq dombyra kúnine arnalǵan «Altyn dombyra – Jetisý áýeni» janbasyna qarjylandyrý aıasynda balalar arasyndaǵy baıqaý 2 shilde kúni saǵat 12:00-de Serikov kóshesi, 2 mekenjaıyndaǵy «Gúlder» saıabaǵynda ótedi.
- Medeý aýdanynda 30 dombyrashy men Medeý aýdanynyń jalpy bilim beretin mektepteri oqýshylarynyń qatysýymen shaǵyn fleshmob 1 shildede saǵat 10: 00-de, Zenkov kóshesi jaǵynan 28 gvardıashy-panfılovshylar atyndaǵy saıabaqta ótedi
- Naýryzbaı aýdanynda «Dombyra party» merekelik konserti 30 maýsym kúni saǵat 19:00-de Shuǵyla, 347-degi aýdan ákimdigi ǵımaratynyń aldynda ótedi.
- Túrksib aýdanynda Ulttyq dombyra kúnine arnalǵan merekelik fleshmob 1 shildede saǵat 10:00-de, Seıfýllın dańǵyly 13/1 boıyndaǵy №6 oqýshylar úıiniń aldyndaǵy alańda ótedi.
Sonymen qatar, Almaly jáne Bostandyq aýdandarynda Ulttyq dombyra kúnine arnalǵan dombyrashylar fleshmoby ótedi.