Polısıa mamandary kómek kórsetti.
Kóliktegi polısıa departamentiniń kóshi-qon qyzmetiniń ókilderi Almaty qalasynyń polısıa departamentimen birlesip, Ýkraına azamatyna Almaty qalasynyń áýejaıy arqyly QR Memlekettik shekarasynan ótýge kómek kórsetti, dep habarlaıdy Almaty-akshamy.kz Kóliktegi polısıa departamentiniń baspasóz qyzmetine silteme jasap.
«Ýkraına azamaty ótinish bildirgen kezde, Almaty áýejaıynyń polısıa bóliminiń qyzmetkerleri shekarany kesip ótý kezinde týyndaǵan máseleni sheshýde, tipti fotograf qyzmetin usynýǵa deıin dereý kómek kórsetken», - dep habarlady vedomstvonyń baspasóz qyzmeti.
Qazirgi ýaqytta ýkraınalyq áıel, Qazaqstan Respýblıkasynyń «Bosqyndar týraly» zańyna sáıkes, Almaty qalasynyń jergilikti atqarýshy organyna bosqyn mártebesin berý týraly ótinishpen júgingen.