Semınar «Terorızmdi qarjylandyrýǵa jáne aqshany jylystatýǵa qarsy is-qımyldar KEU-ny baǵalaýǵa FATF tásilderi» taqyrybynda ótti.
Qazaqstannyń barlyq óńirlerinen kelgen úkimettik emes uıymdardyń basshylary men ókilderi Almatyda ótken semınarǵa qatysty, dep habarlaıdy Almaty-akshamy.kz.
Aǵymdaǵy jyldyń 29 maýsymynda «Azamattyq bastamalardy qoldaý ortalyǵy» KEAQ jáne Qazaqstan Respýblıkasy Aqparat jáne qoǵamdyq damý mınıstrliginiń qoldaýymen «Aqparattyq-resýrstyq ortalyq» (Almaty Azamattyq ortalyǵy) «Azamattyq bastamalar ortalyǵy» QB-men birlesip, «ÚEU Akademıasy» jobasy aıasynda Qazaqstannyń ÚEU-na arnalǵan «Terorızmdi qarjylandyrýǵa jáne aqshany jylystatýǵa qarsy is-qımylda KEU-ny baǵalaýǵa FATF tásilderi» taqyrybynda semınar-trenıng ótkizdi.
Qazaqstan halyqaralyq qoǵamdastyqtyń jaýapty múshesi bola otyryp, aqshany jylystatýǵa qarsy kúrestiń qarjylyq sharalaryn ázirleý tobynyń (aǵyl. Financial Action Task Force - FATF ) qaǵıdattary men usynymdaryn qoldaıdy jáne osy jyly tıisti halyqaralyq baǵalaýdan ótýdi josparlap otyr.
FATF 1989 jyly «Úlken jetilik» elderiniń sheshimi boıynsha quryldy jáne qazirgi ýaqytta halyqaralyq standarttardy ázirleýmen jáne engizýmen, sondaı-aq aqshany jylystatýmen, terorızmdi qarjylandyrýmen jáne halyqaralyq qarjy júıesiniń tutastyǵyna ózge de baılanysty qaýip-qaterlermen kúres jónindegi quqyqtyq, retteýshi jáne jedel sharalardy tıimdi qoldanýǵa járdemdesýmen aınalysatyn negizgi halyqaralyq ınstıtýt bolyp tabylady.
Qazaqstannyń KEU sektory, 8 FATF usynymyna sáıkes, osy usynymdarǵa sáıkestigine baǵalanatyn bolady.
ÚEU kóshbasshylarynyń qarjylyq jáne basqarý saýattylyǵyn arttyrýǵa arnalǵan osy semınarda memlekettik organdardyń ókilderi, «Ulttyq jáne halyqaralyq damý bastamalary ınstıtýty» QQ dırektory Svetlana Borısovna Ýshakova, QR QQA shaqyrylǵan halyqaralyq sarapshy Andreı Ivanovıch Borıchevskıı (Belarýs) negizgi spıkerler boldy. Aqparat jáne qoǵamdyq damý mınıstrligi Azamattyq qoǵam isteri komıtetiniń basqarma basshysy Janbota Joldasuly Qarasholaqov alǵy sóz sóıledi.
Óz tanystyrylymynda Andreı Borıchevskıı FATF-tyń mańyzy men qyzmeti, KEU sektory úshin KJ/TQ qarsy is-qımyl boıynsha 8 usynymnyń máni týraly aıtyp, basqa elderdiń osy halyqaralyq uıymnyń saraptamalyq baǵalaýynan ótkeni týraly bilimderimen bólisti, sondaı-aq semınar tyńdaýshylarynyń suraqtaryna jaýap berdi.
Qorytyndylaı kele, S.B. Ýshakova memlekettik organdardyń «úshinshi sektorlarmen» áriptestikte FATF usynymdaryn tıisti túrde qalaı oryndaý kerektigi, osy saıasatty iske asyrý sheńberinde KEU/ÚEU-ǵa qandaı sharalar qoldanylýy múmkin, bul elge jáne ÚEU-ǵa osy baǵalaýdan ótýge jáne t. b. múmkindik beretini jóninde pikirimen bólisti.
Semınar Almaty qalasyndaǵy «Almatybasjospary» ǵylymı-zertteý ınstıtýtynyń ǵımaratynda gıbrıdtik formatta ótti.
Semınarǵa Qazaqstannyń barlyq óńirlerinen úkimettik emes uıymdardyń basshylary men ókilderi qatysty.
Semınar-trenıngtiń tolyq vıdeosy Facebook áleýmettik jelisinde kelesi silteme boıynsha kóre alasyzdar: https://fb.watch/dZawuqV6IV/