Almatydaǵy turǵyn úılerdiń birinde esirtki qylmysyna qarsy kúres basqarmasynyń qyzmetkerleri, úıinen tikeleı zańsyz zattardy taratyp júrgen 49 jastaǵy er adamdy ustady, dep habarlaıdy aqshamnews.kz Polisia.kz-ke silteme jasap.
- Arnaıy is-sharanyń nátıjesinde kúdiktiden ósimdik tektes zat tárkilenip, sot-hımıalyq saraptamaǵa jiberildi. Er adamnyń osy meken-jaıda otbasymen turǵany belgili boldy, onyń januıasy qaskóıdiń qylmystyq áreketine kýá bolǵan. Qazirgi ýaqytta esirtki satý deregi boıynsha qylmystyq is qozǵaldy. Kúdikti ustaldy jáne ýaqytsha tergeý ızolátoryna qamaldy. Sotqa deıingi tergeý jalǵasýda, - dedi Almaty qalalyq PD esirtki qylmysyna qarsy kúres basqarmasynyń bastyǵy Murat Jumabaev.