Almaty qalasynyń jergilikti polısıa qyzmeti 16 qyrkúıekte bastalǵan «Ýchastke» respýblıkalyq is-sharasynyń aıaqtalǵanyn málimdedi.
Onyń qorytyndysy 15 jeltoqsanda jarıalanbaq, dep habarlaıdy aqshamnews.kz.
– Bul aldyn alý sharasynyń basty maqsaty – azamattar men polısıa arasyndaǵy senimdi qarym-qatynasty nyǵaıtý, kópqabatty úılerdiń shatyr keńistikterin tekserý arqyly quqyq buzýshylyqtardyń aldyn alý jáne olardyń jolyn kesý. Úsh aıdyń ishinde Almaty qalasynyń polısıa qyzmetkerleri 516 myńnan astam turǵyn úı alqabyn jáne 12 myńnan asa saıajaı aımaǵyn aralap shyqty. Sonymen qatar, turǵylyqty mekenjaıy boıynsha esepte turǵan 5 363 adam, 321 qolaısyz otbasy jáne 36 myńnan astam tirkelgen qarý ıeleri tekserýden ótti. Nátıjesinde barlyǵy 12 231 adam ákimshilik jaýapkershilikke tartyldy. Olardyń kópshiligi qalada tirkeýsiz turyp, qoǵamdyq tártip pen qalany abattandyrý erejelerin buzǵany úshin jaýapqa tartyldy. Buǵan qosa, is-shara barysynda polısıa qyzmetkerleri esirtki satýǵa qatysty 10 myńnan astam jazýdy anyqtap, joıdy, – deıdi Almaty qalalyq polısıa departamenti jergilikti polısıa qyzmeti basqarmasynyń bastyǵy Serik Shýmaev.