Almaty qalalyq PD ekstremızmge qarsy kúres basqarmasynyń qyzmetkerleri qalalyq UQKD áriptesteriniń kómegimen tyıym salynǵan dinı birlestik ókilderiniń qylmystyq áreketiniń jolyn kesý maqsatynda arnaıy is-shara júrgizdi, dep habarlaıdy aqshamnews.kz.
Polisia.kz-tiń málimdeýinshe, bir top adamdar zańǵa qaıshy áreket jasap, turaqty túrde kezdesýler uıymdastyryp, dinı ádebıetterdi, sonyń ishinde sıfrlyq aqparat quraldarynda materıaldardy taratqany belgili boldy.
Jedel is-sharalar barysynda zańsyz áreketti uıymdastyrýshy ustalyp, ýaqytsha ustaý ızolátoryna qamaldy. Tyıym salynǵan birlestikti uıymdastyrý jáne onyń qyzmetine qatysý deregi boıynsha qylmystyq is qozǵaldy. Sotqa deıingi tergeý jalǵasyp jatyr.