Monografıada Germanıa, Polsha jáne Reseı arhıvterinen jınaqtalǵan qujattyq derekter paıdalanylǵan
2023 jylǵy 3 aqpanda QR Ulttyq kitaphanasynyń N. Dáýletova atyndaǵy zalynda tarıh ǵylymdarynyń doktory, profesor Kókebaeva Gúljaýhar Kákenqyzynyń «Talqyǵa túsken taǵdyr: túrkistandyq soǵys tutqyndary» atty monografıasynyń tusaýkeseri ótti, dep habarlaıdy Almaty-akshamy.kz.
⠀
İs-sharanyń moderatory - Sh.Ýálıhanov atyndaǵy Tarıh jáne etnologıa ınstıtýty dırektorynyń orynbasary, tarıh ǵylymdarynyń kandıdaty Tileýbaev Shámek Baıanuly.
⠀
Sharany QR Ulttyq kitaphanasy dırektorynyń aqparattyq tehnologıalar jáne ınovasıalar jóndegi orynbasary Iskalıeva Nurıa Amanǵalıqyzy quttyqtaý sózben ashty.
⠀
Tarıh ǵylymdarynyń doktory, profesor Gúljaýhar Kákenqyzy bul eńbektiń Germanıanyń Túrkistanǵa qatysty saıasatyn taldaýǵa jáne túrkistandyq soǵys tutqyndarynyń taǵdyryn anyqtaýǵa arnalǵan alǵashqy keshendi zertteýiniń nátıjesi ekenin atap ótti. Monografıada Germanıa, Polsha jáne Reseı arhıvterinen jınaqtalǵan qujattyq derekter paıdalanylǵan. Arhıvtik qujattardyń basym bóligi ǵylymı aınalymǵa alǵash ret engizilip otyr.
⠀
Jıyn barysynda Sh.Ýálıhanov atyndaǵy Tarıh jáne etnologıa ınstıtýtynyń bas ǵylymı qyzmetkeri, tarıh ǵylymdarynyń kandıdaty Aldajumanov Qaıdar Seısembaev, Abaı atyndaǵy Qazaq ulttyq pedagogıkalyq ýnıversıtetiniń «Aıtylǵan tarıh» ǵylymı ortalyǵynyń dırektory, QR UǴA akademıgi, tarıh ǵylymdarynyń doktory, profesor Qoıgeldıev Mámbet Quljabaıuly, Ál-Farabı atyndaǵy Qazaq Ulttyq ýnıversıteti tarıh fakúltetiniń dekany, tarıh ǵylymdarynyń doktory, profesor Baıǵonaqov Dosbol Súleımenuly, Qazaqstan Respýblıkasy Ortalyq memlekettik arhıviniń dırektory, tarıh ǵylymdarynyń kandıdaty Shildebaı Sábıt Qamytbekuly; ál-Farabı atyndaǵy Qazaq Ulttyq ýnıversıteti dúnıejúzi tarıhy, tarıhnama jáne derektaný kafedrasynyń meńgerýshisi, tarıh ǵylymdarynyń kandıdaty, profesor Myrzabekova Ryskeldi Salamatqyzy, Sh. Ýálıhanov atyndaǵy Tarıh jáne etnologıa ınstıtýtynyń doktoranty Stamshalov Erkin Imanǵazyuly sóz sóıledi.
⠀
İs-sharaǵa zıaly qaýym ókilderi, memleket jáne qoǵam qaıratkerleri, ǵalymdar, kitaphana oqyrmandary men stýdentter qatysty.