Demalys kúnderi Almatyda Túrkistan oblysynyń aýyl sharýashylyǵy taýar óndirýshileriniń keńeıtilgen jármeńkesi ótedi, dep habarlaıdy almaty-akshamy.kz
7-8 qazan kúnderi saǵat 8.00-den 17.00-ge deıin ótetin aýylsharýashylyq jármeńkesine Túrkistan oblysynyń 13 aýdan men 3 qaladan (Arys, Kentaý, Jetisaı) kelgen dıqandar qatysady.
Jármeńkede ónimniń 50-den astam ataý (et jáne sút, jemister men kókónister, shujyq ónimderi, ósimdik jáne janýar maılary jáne t.b.) usynylady. Ónimniń jalpy kólemi - 300 tonna, onyń ishinde et – 60 tonna, jemis-kókónis – 200 tonna, sút ónimderi – 15 tonna, balyq – 5 tonna, basqalary – 20 tonna.
Keńeıtilgen aýyl sharýashylyǵy jármeńkesi Shevchenko kóshesindegi Sh.Ýálıhanov alańy (Qonaev pen Pýshkın kósheleriniń arasynda) mekenjaı boıynsha ótedi.