Bul týraly qala ákimi Baqytjan Saǵyntaev QR Prezıdenti janyndaǵy Ortalyq komýnıkasıalar qyzmetinde ótken baspasóz konferensıasynda málimdedi. Sonymen qatar, ol aǵymdaǵy jyldyń II toqsanynda sheteldik týrıser sany 42%-ǵa artqanyn naqtylady, dep habarlaıdy almaty-akshamy.kz
Spıkerdiń aıtýynsha, aǵymdaǵy jyly 628 nómirli 3 qonaq úı salyndy. Olarǵa 54,3 mlrd teńge ınvestısıa salyndy. Budan basqa, taý týrızminiń qaýipsiz ınfraqurylymyn abattandyrý jáne qurý júrgizilýde.
Almaty taýlaryndaǵy Tuıyq sý shatqalynda tikushaq alańynyń qurylysy júrgizilýde, taý baǵyttarynyń shalǵaı toraptyq ýchaskelerinde spýtnıktik baılanys pen SOS dabyl túımeleri bar 15 taý lashyqtary ornatyldy.
2 arnaıy baqylaý-qutqarý pýnkti daıyndaldy, olar taýly jerlerde 16 adamnan turatyn qutqarýshylardyń táýlik boıy kezekshiligin qamtamasyz etedi. Sondaı-aq, «Kimasar» shatqalynda dabyl túımelerin baqylaý júıesiniń pılottyq jobasy iske qosyldy.
Búgingi tańda taýly jerlerde 1000 shaqyrymnan astam jaıaý júrý baǵyttary sıfrlandyryldy, olardyń 500 shaqyrymy abattandyryldy. Olardyń barlyǵy 2GIS jáne ViewRanger platformalarynda qoljetimdi. Bul baǵyttarda QR kodtary bar stendterdi qosa alǵanda, barlyq qajetti aqparattyq derekter ornatylǵan, onda týrıser baǵyttardyń kúrdeliligimen, onyń uzaqtyǵymen jáne júrý ýaqytymen tanysa alady.
Budan basqa, Úlken jáne Kishi Almaty shatqaldarynda aǵymdaǵy jyldyń sońyna deıin jalpy uzyndyǵy 179 km bolatyn taý baǵyttaryn abattandyrýdy aıaqtaý josparlanýda, sondaı-aq «Gorelnık», «Prosveshenes», «Qyzylsaı», «Kazachka» jáne «Lýnnaıa» alańynda 6 kempıng aımaǵyn qurý boıynsha jumys júrgizilýde.
2020 jyly týrızm ındýstrıasy koronavırýstyq pandemıadan zardap shekken ekonomıka salalarynyń biri boldy. Degenmen, ishki týrıser sany 422 myń adamdy qurady.
2021 jyldyń ekinshi toqsanynyń qorytyndysy boıynsha, Almatydaǵy týrıserdiń jalpy sany 501,4 myńnan astam adamdy qurady, onyń ishinde sheteldik týrıser – 54,2 myń, ishki týrıser - 447,2 myńnan astam.