Naýryz meıramy ulttyq merekesin toılaý aıasynda Almaty qalasynyń Týrızm basqarmasy Almaty halyqaralyq áýejaıymen, Almaty "Jetisý" keden beketi QR UQQ shekara qyzmetin baqylaý basqarmasymen birlesip "Syılyqqa tátti kádesyı" aksıasyn ótkizdi, dep habarlaıdy Almaty-akshamy.kz
Aksıa aıasynda halyqaralyq jolaýshylar termınalyndaǵy tólqujatty baqylaý jáne kedendik beketke kelgen árbir týrıske elimizdiń jaılylyǵy men qonaqjaılylyǵyn beıneleıtin pechene jáne shokolad túrindegi erekshe tátti syılyq berildi.
Qazaq kıiz úı túrindegi pechene - qazaq halqynyń dástúrli ómir saltyn beıneleıdi. Bul Qazaqstannyń baı mádenı murasyn eske salady.
"Bul naýqan bizdiń mádenıet pen dástúrlerge nazar aýdarý baǵytyndaǵy mańyzdy qadam. Biz jyl saıyn elimizdiń mádenı murasynyń mańyzdylyǵyn atap ótý úshin osyndaı aksıalardy ótkizýge tyrysamyz.
Mundaı oqıǵalar qonaqtarymyzdyń kóńilin kóterýmen qatar, tarıhymyz ben mádenıetimizdi túsinýge jáne qurmetteýge septigin tıgizedi", - dedi Almaty qalasy Týrızm basqarmasynyń basshysy Ǵalıa Toqseıitova.
İs-sharanyń basty maqsaty - týrıserdi tartý, týrısterdi qabyldaý tájirıbesin jetildirý, eldiń tarıhı jáne mádenı murasymen tanystyrý.