Jaıly demalýdy qamtamasyz etý úshin tanymal marshrýttarda kempıng aımaqtar qurylady, dep habarlaıdy Almaty-akshamy.kz
Almatyda bıylǵy birinshi jartyjyldyqta sheteldik týrıser sany 73%-ǵa ósip, 261 myń adamnan asty. Bul týraly Almaty qalasynyń týrızm basqarmasy habarlady.
Jyl sońyna deıin Almatyǵa keletin sheteldik týrıser sany jarty mıllıon adamǵa deıin jetedi dep boljanyp otyr.
Almatyǵa shetelden ǵana emes, elimizdiń ózge óńirinen de keletinder kóp. 2023 jyldyń birinshi jartyjyldyǵynda ishki týrıser sany 710 myń adamǵa jetip, 14%-ǵa ulǵaıdy. Jalpy, týrıserdiń jalpy sany 972 157 adam, bul 25,5%-ǵa ósti.
Týrıserdiń jaıly demalysy úshin bıyl 3 kempıng aımaqty (Aqbulaq, ÚAK jáne Myńjylqy) ornatý jumystary aıaqtaldy. Shatyrly oryndar, tóbesi jabyq besedkalar, ústel-oryndyq, «Altybaqan» ulttyq stılindegi átkenshekter ornatyldy.
Sonymen qatar, Kishi Úlken Almaty, Prohodnoe, Býtakovka shatqaldaryn abattandyrý jumystary aıaqtalyp, Qarǵaly shatqalynda jumys qolǵa alynǵan. Marshrýt boıynda navıgasıalyq kórsetkishter, aqparattyq stendter, qalqandar, tirekter, túrli-tústi nusqaýshy belgiler, besedkalar (áınektelgenderdi qosqanda), oryndyqtar, demalýǵa arnalǵan platformalar, kópirler men qorshaýlar ornatylǵan.