Mundaı sertıfıkat alýshylar qatarynda kóp balaly otbasylar, jetim balalar, múgedektigi bar azamattar bar.
Almaty qalasy máslıhatynyń kezekten tys sesıasy barysynda turǵyn úı sertıfıkattarynyń jańa mólsheri bekitilip, turǵyn úı sertıfıkattaryn alýshylardyń sanattary aıqyndaldy, dep habarlaıdy Almaty-akshamy.kz.
Sondaı-aq, Amanat partıasy fılıaly Búrosynyń sheshimimen belgili jýrnalıs jáne ekolog Sergeı Ponomarev Almaty qalalyq máslıhatynyń depýtaty bolyp saılandy. Sesıa barysynda Almaty qalasy boıynsha Tekserý komısıasynyń tóraǵasy bekitildi, ol kásibı aýdıtor jáne qarjyger Altaı Berdıkýlov boldy.
Memleket basshysy Qasym-Jomart Toqaevtyń tapsyrmasy aıasynda Almatyda halyqtyń áleýmettik osal toptaryn qoldaýdy keńeıtý boıynsha keshendi sharalar júzege asyrylýda. Áleýmettik sıpattaǵy máseleler Almaty ákimdigi úshin basym baǵyt bolyp tabylady. Osyǵan baılanysty qala ákimi Erbolat Dosaevtyń usynysy boıynsha turǵyn úı sertıfıkattarynyń somasy 1 mln teńgeden 1,5 mln teńgege deıin ulǵaıtyldy.
Kezekte turǵandar qatarynan sertıfıkat alýshylar sanatyna kelesi azamattar jatady:
- 1 jáne 2 toptaǵy múgedekter;
- múgedek balalary bar nemese olardy tárbıeleýshi otbasylar;
- jetim balalar jáne ata-anasynyń qamqorlyǵynsyz qalǵan balalar;
- kóp balaly otbasylar;
Esterińizge sala keteıik, turǵyn úı sertıfıkattary Almatyda áleýmettik turǵyn úıge kezekte turǵan azamattar úshin jeńildetilgen ıpotekalyq nesıeleý baǵdarlamasy aıasynda bastapqy jarnanyń bir bóligin óteý úshin qoldanylady.
Sesıa Almaty.TV YouTube arnasynda tikeleı efırde jáne máslıhatynyń YouTube, Aitube arnalarynda kórsetildi.