Órt ornynan 25 lıtrlik eki gaz balony men 5 lıtrlik eki gaz balony shyǵaryldy, dep habarlaıdy almaty-akshamy.kz
Qalalyq tótenshe jaǵdaılar departamentiniń málimetinshe, órt sóndirýshiler 18 qazan kúni saǵat 14:47 kezinde Almaly aýdanyndaǵy Qojamqulov kóshesi, 259 mekenjaıyndaǵy órtti sóndirýge shyqty.
Oqıǵa ornyna jetkende, jalpy aýdany 40 sharshy metrdi quraıtyn sharýashylyq qurylystyń janyp jatqany anyqtaldy. Órttiń jeke turǵyn úılerge taralý qaýpi týyndady. 25 lıtrlik gaz balondardyń birinen gaz shyqqan soń, ony órt sóndirýshiler qaýipsiz qashyqtyqqa shyǵaryp úlgerdi.
Jambyl kóshesiniń qaýipsizdigin qamtamasyz etý úshin polısıa qyzmetkerleri kósheni qorshaýǵa aldy.
Qabyldanǵan sharalardyń nátıjesinde órt 8 mınýtta, saǵat 15:10-da óshirildi. 15:27-de tolyǵymen joıyldy.
Órt sóndirý jumysyna 10 tehnıka, jeke quramnan 35 adam jumyldyryldy. Sońǵy derek boıynsha qyzyl jalyn 100 sharshy metrdi sharpyǵan.