Rysqulov-Kúderın jolaıyryǵyndaǵy aýmaqta ortasha jóndeý júrgizýge baılanysty kólik qozǵalysyna ýaqytsha shekteý engiziledi, dep habarlaıdy aqshamnews.kz
30 shilde saǵat 23:00-den 31 shilde saǵat 23:00-ge deıin Bıanhý kóshesinen týneldiń sońyna deıin ońtústik baǵytta Soltústik aınalma kóshesinde, shyǵys baǵytta Rysqulov dańǵylynan jolaıyryqqa burylatyn jolda jáne batys baǵytta Kýderın kóshesindegi jolaıyryqqa burylatyn jolda kólik qozǵalysy tolyǵymen jabylady.
Bul aýmaqty Bıanhý jáne Soqpaqbaev kóshelerimen aınalyp ótýge bolady.
Jóndeletin aýmaqta eskertý belgileri, merdiger uıym basshysynyń baılanys nómiri jazylǵan stendter qoıylady.
Esterińizge sala keteıik, qozǵalysty shekteýge qatysty barlyq aqparat Almaty.kz saıtynda, @AlmatyJoly Telegram arnasynda, aýdandyq ákimdikter men basqarmalardyń áleýmettik jelilerinde, sondaı-aq 2GIS pen «Iandeks kartalar» servısterinde jazylǵan.
