Almatyda túnde Ospanov kóshesiniń bir bóliginde kólik qozǵalysy shekteledi, - dep habarlaıdy Aqshamnews.kz tilshisi.
Almatynyń shyǵys bóliginde aryq júıesin salý jáne qaıta jańartý jobasy aıasynda Ekologıa jáne qorshaǵan orta basqarmasy merdiger uıym – «AlmatyDorStroı» kompanıasymen birlesip, Ospanov kóshesinde aryq jelisiniń ótkelin salý jumystaryn júrgizedi.
Osyǵan baılanysty 2025 jyly 2 qazan saǵat 22:00-den 3 qazan saǵat 06:00-ge deıin kólik qozǵalysy ýaqytsha shekteledi. Shekteý «Edelveıs» turǵyn úı kesheninen Jamaqaev kóshesine deıingi ýchaskede engiziledi.
Aıta keteıik, ýaqytsha qozǵalys shekteýi týraly barlyq aqparat Almaty.kz saıtynda, @AlmatyJoly Telegram arnasynda, aýdan ákimdikteri men basqarmalardyń áleýmettik jelilerinde jarıalanady. Sondaı-aq málimetter 2GIS pen Iandeks kartalaryndv da qoljetimdi.